Фота з архіва
23 лістапада, Мінск /Кар. БЕЛТА/. Адобраны праект пагаднення паміж урадамі Беларусі і Расіі аб адзінай прамысловай палітыцы ў якасці асновы для правядзення перагавораў. Гэта вынікае з пастановы Савета Міністраў Беларусі нумар 799 ад 21 лістапада 2022 года, апублікаванай сёння на Нацыянальным прававым інтэрнэт-партале, паведамляе БЕЛТА.
На правядзенне перагавораў па праекце пагаднення ўпаўнаважана Міністэрства прамысловасці. Пры гэтым дазволена пры неабходнасці ўносіць у яго змяненні, якія не маюць прынцыповага характару.
Намеснік прэм'ер-міністра Беларусі Пётр Пархомчык упаўнаважаны на падпісанне пагаднення пры дасягненні дамоўленасці ў межах адобранага праекта.-0-
