23 лістапада, Мінск /Кар. БЕЛТА/. Намеснік дырэктара па сельскай гаспадарцы УП "Барысаўскі камбінат хлебапрадуктаў" ААТ "Мінскаблхлебапрадукт" Мікалай Хілько у праекце "Краіна гаворыць" на YouTube-канале БЕЛТА расказаў аб вопыце стварэння і функцыянавання аграхолдынга.
"Уся наша інтэграцыйная структура або холдынг складаецца з 13 арганізацый, якія аб'ядноўваюць 10 раёнаў Мінскай вобласці. У холдынг уваходзіць чатыры сельгаспрадпрыемствы, агульная плошча якіх 30 тыс. га сельгасугоддзяў. У далейшым плануем пашыраць іх да 40 тыс. Сёння гэтыя сельгаспрадпрыемствы вырабляюць збожжа, малако, мяса. Дастаткова сказаць, што нашы гаспадаркі атрымалі ў гэтым годзе 65 тыс. т збожжа, што ў 1,6 раза больш, чым у мінулым годзе. Нашы прадпрыемствы штодзень вырабляюць і рэалізуюць 100 т малака, 1,7 тыс. т свініны. У нас ёсць шэсць свінакомплексаў, агульнае пагалоўе 130 тыс. свіней, у далейшым плануем пашырацца да 170 тыс.", - сказаў Мікалай Хілько.
Ён дадаў: "У нас штогод вырабляецца 70 тыс. т мукі розных відаў ад пшанічнай, жытняй да манных круп. Плюс да ўсяго штогод вырабляецца 28 тыс. т макаронных вырабаў. Вырабляецца больш за 2 тыс. т за месяц. І сёння я з гонарам заяўляю, што нашы макаронныя вырабы займаюць 70 працэнтаў ад усіх вырабляемых у Рэспубліцы Беларусь".
"Задача холдынга - аб'яднаць вытворчасць, перапрацоўку з адной мэтай, каб вырабіць якасную, даволі танную прадукцыю і давесці яе да спажыўца. І гэту задачу мы выконваем з поспехам. Адназначна гэта форма сябе апраўдвае. Нашы прадпрыемствы ўваходзяць у топ паспяховых прадпрыемстваў, якія дынамічна развіваюцца ў Рэспубліцы Беларусь", - сказаў на заканчэнне Мікалай Хілько.
Праект створаны за кошт сродкаў мэтавага збору на вытворчасць нацыянальнага кантэнту.-0-
