2 лютага, Гомельскі раён /Кар. БЕЛТА/. Дэлегацыя Бранскай вобласці на чале з губернатарам Аляксандрам Багамазам 2 лютага азнаёмілася з патэнцыялам і вытворчымі магчымасцямі ААТ "Гомельагракамплект" і "Гомельаблаграсэрвіс", перадае карэспандэнт БЕЛТА.
Аб даільным і іншым сучасным абсталяванні для жывёлагадоўчых гаспадарак ішла размова на "Гомельагракамплекце". Як адзначыў кіраўнік Аляксандр Стрыбук, супрацоўніцтва прадпрыемства з Бранскай вобласцю развіваецца ўжо не адзін год. "Кожны год мы пастаўляем сваёй прадукцыі больш як на 30 млн расійскіх рублёў. Гэта рознае абсталяванне - даільнае, стойлавае, ахаладжальнікі малака вялікай ёмістасці, камплектуючыя. Але суцэльнай даільнай залы яшчэ не было", - удакладніў генеральны дырэктар.
Ён выказаў упэўненасць, што пасля сённяшняга візіту прадстаўнікоў Бранскай вобласці на прадпрыемства кантакты ўзмоцняцца. "Мы прапануем новую мадэрнізаваную даільную ўстаноўку, таксама праектнае рашэнне", - сказаў ён. Паводле слоў Аляксандра Стрыбука, прапрацоўка пытанняў вядзецца.
Гасцям прэзентавалі вытворчыя магчымасці прадпрыемства, выпускаемыя тут устаноўкі, у тым ліку і тыпу "карусель".
Як падкрэсліў старшыня Гомельскага аблвыканкама Іван Крупко, абсталяванне "Гомельагракамплекта" атрымлівае высокую ацэнку ад сельгасвытворцаў не толькі ў рэгіёне, але і за яго межамі.
Аляксандр Стрыбук дадаў, што ў бліжэйшы час пройдуць сустрэчы з бранскімі фермерамі, якія выказалі цікавасць да гомельскіх праектаў.
У "Гомельаблаграсэрвісе" гасцям расказалі пра рамонт, тэхабслугоўванне аграпрамысловых вузлоў, агрэгатаў, у тым ліку энерганасычаных. Генеральны дырэктар Аляксандр Тароп адзначыў, што на прадпрыемстве створаны тэхцэнтры па абслугоўванні тэхнікі і абсталявання заводаў-вытворцаў, працуюць сэрвісныя брыгады, гатовыя выехаць і аператыўна ліквідаваць непаладкі. "Кваліфікацыя нашых кадраў на дастаткова добрым узроўні. І гэта было адзначана бранскімі калегамі. Нашы супрацоўнікі штогод праходзяць абавязковае навучанне на Мінскім трактарным заводзе, "Гомсельмашы". Гэта пацвярджаецца і атэстацыйнымі адзнакамі і, галоўнае, відаць у іх рабоце", - рэзюмаваў у гутарцы з журналістамі гендырэктар.
Таксама дэлегацыя Бранскай вобласці плануе азнаёміцца са спартыўнай інфраструктурай абласнога цэнтра.-0-
Аб даільным і іншым сучасным абсталяванні для жывёлагадоўчых гаспадарак ішла размова на "Гомельагракамплекце". Як адзначыў кіраўнік Аляксандр Стрыбук, супрацоўніцтва прадпрыемства з Бранскай вобласцю развіваецца ўжо не адзін год. "Кожны год мы пастаўляем сваёй прадукцыі больш як на 30 млн расійскіх рублёў. Гэта рознае абсталяванне - даільнае, стойлавае, ахаладжальнікі малака вялікай ёмістасці, камплектуючыя. Але суцэльнай даільнай залы яшчэ не было", - удакладніў генеральны дырэктар.
Ён выказаў упэўненасць, што пасля сённяшняга візіту прадстаўнікоў Бранскай вобласці на прадпрыемства кантакты ўзмоцняцца. "Мы прапануем новую мадэрнізаваную даільную ўстаноўку, таксама праектнае рашэнне", - сказаў ён. Паводле слоў Аляксандра Стрыбука, прапрацоўка пытанняў вядзецца.
Гасцям прэзентавалі вытворчыя магчымасці прадпрыемства, выпускаемыя тут устаноўкі, у тым ліку і тыпу "карусель".
Як падкрэсліў старшыня Гомельскага аблвыканкама Іван Крупко, абсталяванне "Гомельагракамплекта" атрымлівае высокую ацэнку ад сельгасвытворцаў не толькі ў рэгіёне, але і за яго межамі.
Аляксандр Стрыбук дадаў, што ў бліжэйшы час пройдуць сустрэчы з бранскімі фермерамі, якія выказалі цікавасць да гомельскіх праектаў.
У "Гомельаблаграсэрвісе" гасцям расказалі пра рамонт, тэхабслугоўванне аграпрамысловых вузлоў, агрэгатаў, у тым ліку энерганасычаных. Генеральны дырэктар Аляксандр Тароп адзначыў, што на прадпрыемстве створаны тэхцэнтры па абслугоўванні тэхнікі і абсталявання заводаў-вытворцаў, працуюць сэрвісныя брыгады, гатовыя выехаць і аператыўна ліквідаваць непаладкі. "Кваліфікацыя нашых кадраў на дастаткова добрым узроўні. І гэта было адзначана бранскімі калегамі. Нашы супрацоўнікі штогод праходзяць абавязковае навучанне на Мінскім трактарным заводзе, "Гомсельмашы". Гэта пацвярджаецца і атэстацыйнымі адзнакамі і, галоўнае, відаць у іх рабоце", - рэзюмаваў у гутарцы з журналістамі гендырэктар.
Таксама дэлегацыя Бранскай вобласці плануе азнаёміцца са спартыўнай інфраструктурай абласнога цэнтра.-0-
