Абраменка: інвестыцыі ў асноўны капітал СЭЗ выраслі на 4,2 працэнта

29 чэрвеня, Мінск /Кар. БЕЛТА/. У беларускіх СЭЗ працуюць 430 рэзідэнтаў больш як з 30 краін свету, якія інвесціравалі ў рэалізацыю сваіх праектаў каля $13 млрд. Такія лічбы назвала ў інтэрв'ю часопісу "Экономика Беларуси" намеснік міністра эканомікі Алеся Абраменка.

Створаныя ў СЭЗ прэферэнцыйныя ўмовы вядзення бізнесу дазволілі арганізаваць сучасныя вытворчасці з выпускам прадукцыі сусветных брэндаў - Alutech, "Ультрадэкор", BelGee, "Брэмар", Stadler і іншых. Інвестыцыі ў асноўны капітал у мінулым годзе выраслі на 4,2 працэнта. Асвоена прыкладна Br1,4 млрд.
 
"У апошнія гады прадпрыемствы Беларусі сканцэнтраваны на павышэнні ўзроўню лакалізацыі і выпуску імпартазамяшчальнага асартыменту, - адзначыла субяседнік. - Аб гэтым сведчыць узрастаючая колькасць новых вытворчасцей з беларускім і расійскім капіталам. Напрыклад, з 40 новых рэзідэнтаў СЭЗ, зарэгістраваных у 2023-м і пачатку гэтага года, больш за 30 - з Беларусі і Расіі".

Інвестары плануюць рэалізацыю праектаў у металаапрацоўцы, машынабудаванні, харчовай, хімічнай і палімернай прамысловасці, вытворчасці мэблі, зараднай інфраструктуры электратранспарту. Агульны аб'ём заяўленых інвестыцый ацэньваецца ў памеры $250 млн, прадугледжваецца стварэнне 2 тыс. рабочых месцаў.-0-