14 лютага, Мінск /Кар. БЕЛТА/. Беларуска-расійскія гандлёва-эканамічныя адносіны прадаўжаюць умацоўвацца, заявіла намеснік міністра эканомікі Алеся Абраменка ў час пасяджэння групы высокага ўзроўню пры Савеце Міністраў Саюзнай дзяржавы, паведамілі БЕЛТА ў прэс-службе Міністэрства эканомікі.
Двухбаковая перагаворная група працуе над устараненнем складаных пытанняў, што ўзнікаюць пры ўзаемадзеянні беларускіх і расійскіх суб'ектаў гаспадарання.
У Мінэканомікі расказалі, што ў 2022 годзе адбылося чатыры пасяджэнні, было разгледжана каля 40 пытанняў, сярод якіх паглыбленне кааперацыі ў сферы мікраэлектронікі, рэзультаты пілотнага праекта па прызнанні банкаўскіх гарантый, зніжэнне кошту роўмінгу практычна да ўнутрыкраінавага ўзроўню і г.д. У бягучым годзе прадоўжана работа па стварэнні ўмоў для арганізацыі ўзаемнага біржавога гандлю, выраўноўвання тарыфаў на чыгуначныя перавозкі для беларускіх грузаў па тэрыторыі Расіі і іншых ключавых пытаннях двухбаковага супрацоўніцтва.
"Беларуска-расійскія гандлёва-эканамічныя адносіны набіраюць тэмп. За мінулы год больш за сто дэлегацый рознага ўзроўню з Расіі наведалі Беларусь, практычна столькі ж беларускіх дэлегацый пабывалі ў расійскіх рэгіёнах. Узаемны тавараабарот у 2022 годзе вырас на 114,3 працэнта ў гадавым выражэнні і склаў каля $46 млрд", - адзначылі ў прэс-службе.-0-
