19 жніўня, Мінск /Кар. БЕЛТА/. Абноўлены парадак стварэння і вядзення рэспубліканскага фонду праектнай дакументацыі і рэспубліканскага банка даных аб'ектаў-аналагаў на будаўніцтва аб'ектаў, паведамляе БЕЛТА са спасылкай на Нацыянальны прававы інтэрнэт-партал.
Мінбудархітэктуры прыняло пастанову ад 31 мая 2022 года нумар 59 "Аб змяненні пастановы Міністэрства архітэктуры і будаўніцтва ад 26 сакавіка 2014 года нумар 14". Дакументам абноўлена інструкцыя аб парадку стварэння і вядзення рэспубліканскага фонду праектнай дакументацыі і рэспубліканскага банка даных аб'ектаў-аналагаў на будаўніцтва аб'ектаў, прадастаўлення ў карыстанне і выкарыстання матэрыялаў і даных фонду і банка даных.
Дзейнасць, звязаную са стварэннем і вядзеннем фонду і банка даных, ажыццяўляе Рэспубліканскі навукова-тэхнічны цэнтр па цэнаўтварэнні ў будаўніцтве.
Інструкцыяй, у прыватнасці, вызначаны парадак уключэння ў фонд праектаў, рэкамендаваных для паўторнага прымянення, тыпавых праектаў, дакументацыі на тыпавыя будаўнічыя канструкцыі, вырабы і вузлы, індывідуальна распрацаванай праектнай дакументацыі.
Дакументам устаноўлена, што банк даных фарміруецца на аснове фонду праектнай дакументацыі і інфармацыі аб кошце завершаных будаўніцтвам аб'ектаў, атрыманай на аснове ведамаснай справаздачнасці, якая штогод зацвярджаецца пастановай Мінбудархітэктуры.
Дакументам таксама ўстаноўлены парадак прадастаўлення ў карыстанне і выкарыстання матэрыялаў і даных фонду і банка даных.
Пастанова ўступае ў сілу пасля яе афіцыйнага апублікавання.-0-
