10 лістапада, Мінск /Кар. БЕЛТА/. Гран-пры "Золата Лiстапада-2017" за лепшы фільм атрымаў фільм "Лістапад" (Эстонія, Нідэрланды, Польшча), перадае карэспандэнт БЕЛТА з цырымоніі ўзнагароджвання пераможцаў XXIV Мінскага міжнароднага кінафестывалю "Лістапад".
Рэжысёр фільма-пераможцы Райнер Сарнет, прымаючы ўзнагароду, адзначыў, што, працуючы над карцінай, яе стваральнікі хваляваліся, ці будзе яна зразумелая для іншых, бо здымалі на аснове эстонскай міфалогіі. Таму ён рады, што фільм прыняты і высока ацэнены.-0-