15 мая, Тель-Авіў /Святлана Сухарко - БЕЛТА/. Спявачка ZENА, якая прадстаўляе Беларусь на міжнародным конкурсе песні "Еўрабачанне-2019", заявіла ў гутарцы з карэспандэнтам БЕЛТА, што яе мара - прывезці песенны форум у краіну.
"Эмоцыі ў мяне толькі станоўчыя. Мы ў фінале. Я вельмі рада і шчаслівая, што мы гэта зрабілі. Прывезці "Еўрабачанне" ў Беларусь - гэта мая мара цяпер. На чым буду сканцэнтравана гэтымі днямі? На самым лепшым выніку і падрыхтоўцы да гэтага лепшага выніку", - сказала ZENА.
За ўвесь час удзелу ў "Еўрабачанні" Беларусь шосты раз прайшла ў фінал. Юная ZENА выступіць у другой частцы фінальнага шоу - такі вынік жараб'ёўкі першай дзясяткі фіналістаў конкурсу. Пуцёўку ў фінал атрымалі таксама Грэцыя, Сербія, Кіпр, Эстонія, Чэхія, Аўстралія, Ісландыя, Сан-Марына, Славенія.
Другі паўфінал песеннага форуму адбудзецца 16 мая. У ім выступяць прадстаўнікі 18 краін: Арменіі, Ірландыі, Малдовы, Швейцарыі, Латвіі, Румыніі, Даніі, Швецыі, Аўстрыі, Харватыі, Мальты, Літвы, Расіі, Албаніі, Нарвегіі, Нідэрландаў, Паўночнай Македоніі, Азербайджана. Фінал конкурсу запланаваны на 18 мая.
Ізраіль праводзіць "Еўрабачанне" трэці раз. Раней ён прымаў конкурс песні ў 1979 і 1999 гадах. Слоган "Еўрабачання-2019" - Dare To Dream ("Не бойся марыць").-0-
