14 жніўня, Мінск /Кар. БЕЛТА/. Завяршаецца прыём заявак на ўдзел у нацадборы на дзіцячае "Еўрабачанне-2020". Такая інфармацыя размешчана ў Telegram-канале АТН Белтэлерадыёкампаніі, паведамляе БЕЛТА.
"Завяршаецца прыём заявак на ўдзел у нацадборы. 15 жніўня - апошні дзень. Арганізатар праекта, Белтэлерадыёкампанія, чакае кампазіцыі і ўсе неабходныя матэрыялы ў электронным выглядзе на сайце tvr.by. Там жа можна азнаёміцца з палажэннем праекта", - гаворыцца ў паведамленні.
Да ўдзелу ў нацадборы запрашаюцца калектывы і салісты ад 9 да 14 гадоў. Патрабаванні да кампазіцыі - працягласць да 3 хвілін. Мова выканання - руская або беларуская. Замежнай - не больш за 40 працэнтаў тэксту. Хто з кандыдатаў увойдзе ў фінал праекта - вырашыць фокус-група не пазней за 24 жніўня.
Усе правы, якія адносяцца да правядзення адбору, належаць арганізатару праекта - Белтэлерадыёкампаніі, праваўладальніку брэнда "Еўрабачанне" на тэрыторыі Беларусі. Дзіцячае "Еўрабачанне" ў лістападзе прымае Польшча.-0-
