ДЗЯРЖОРГАНЫДЗЯРЖОРГАНЫ
Флаг Нядзеля, 25 верасня 2022
Мінск Малавоблачна +11°C
Усе навіны
Усе навіны
Культура
23 снежня 2021, 09:04

Выставы фатаграфій і рукадзелля ў Гомелі перанясуць у свет зімовай фантазіі

Фота з архіва
Фота з архіва

23 снежня, Гомель /Кар. БЕЛТА/. Выстава фатаграфій Міхаіла Гута "Зімовы матыў" і экспазіцыя дэкаратыўна-прыкладной творчасці "Кволы свет зімовай фантазіі" Алы Юрковай, Таццяны Фашчанка, Аліны Герасімавай адкрыюцца 23 снежня ў Гомелі ў музеі аўтографа цэнтральнай гарадской бібліятэкі імя А.І. Герцэна, паведамілі БЕЛТА ў сетцы публічных бібліятэк горада Гомеля.

Гомельскі фатограф Міхаіл Гут на суд гледачоў прадстаўляе работы, зробленыя з 2007 па 2021 год. На здымках - папулярныя і малазнаёмыя мясціны зімовага Гомеля і Мінска. Аўтар умела знаходзіць патрэбны ракурс і фатаграфуе ў час пешых прагулак прыгожыя гарадскія пейзажы, яркія навагоднія ўпрыгажэнні, цікавыя віды архітэктурных збудаванняў.

"Новы год - гэта свята, якое аб'ядноўвае прыемнымі клопатамі, чаканнем цудаў і, вядома ж, натхняе творчых людзей на стварэнне дзівосных работ", - звярнулі ўвагу ва ўстанове.

Навагодняя выстава сабрала людзей розных прафесій, але з агульнымі захапленнямі. Майстры прэзентуюць больш за 50 аўтарскіх работ, выкананых у розных тэхніках. Наведвальнікі бібліятэкі ўбачаць навагоднія цацкі, упрыгажэнні для маленькіх модніц рукадзельніцы Таццяны Фашчанка, ёлкі і святочныя строі для лялек Алы Юрковай, ватныя цацкі Аліны Герасімавай. Выставы будуць цікавыя фатографам, дзецям і бацькам, аматарам майстраваць, фантазіраваць, тварыць сваімі рукамі.

Акунуцца ў свет творчасці і зімовай фантазіі можна будзе да 27 студзеня. Уваход свабодны.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі