10 кастрычніка, Мінск /Кар. БЕЛТА/. Маскоўскі Музей Перамогі прадставіць 10 кастрычніка мультымедыйны выставачны праект "Трагедыя народаў" у Беларускім культурным цэнтры духоўнага адраджэння, паведамілі БЕЛТА ў прэс-службе музея.
Экспазіцыя "Трагедыя народаў" прысвечана памяці савецкіх грамадзян, якія пацярпелі ад нацысцкай агрэсіі і акупацыйнай палітыкі, былі закатаваны ў гета і канцлагерах, выгнаны на прымусовыя работы ў Германію і сумежныя краіны. Наведвальнікі ўбачаць больш за 100 алічбаваных друкаваных рарытэтаў з фондаў Музея Перамогі. Гэта рэпартажныя фатаграфіі ваенных карэспандэнтаў, дакументы, плакаты, лістоўкі, франтавыя малюнкі і работы пасляваенных мастакоў, якія сведчаць аб злачынствах нацыстаў.
Выстава арганізуецца ў рамках міжнароднага праекта "Тэрыторыя Перамогі", накіраванага на стварэнне адзінай прасторы па ваеннай гісторыі ХХ стагоддзя. Ён стартаваў у 2017 годзе, аб'яднаўшы больш за 250 музеяў на тэрыторыі Расіі і замежных краін, а таксама звыш 7 тыс. музейных работнікаў і 10 млн наведвальнікаў штогод.
Выставачны праект "Трагедыя народаў" прадоўжыць работу да 10 снежня.-0-
