Мабільная версія
ДЗЯРЖОРГАНЫ

Апошнія навіны
Усе навіны

Выставу "Гукі беларускага жывапісу" адкрылі ў канцэртнай зале "Віцебск"

Культура 09.07.2019 | 18:00

9 ліпеня, Віцебск /Андрэй Шчарбіцкі - БЕЛТА/. Выставу сучасных беларускіх мастакоў "Гукі беларускага жывапісу" адкрылі сёння ў канцэртнай зале "Віцебск", перадае карэспандэнт БЕЛТА.

Экспазіцыя стала першай пры рэалізацыі выставачнага праекта, які пройдзе ў час фестывалю мастацтваў "Славянскі базар у Віцебску". "Гукі беларускага жывапісу" паказваюць больш за 30 работ амаль 20 мастакоў з усіх абласцей Беларусі.

Прадстаўленыя работы з калекцыі галерэі-салона "АртХаос". Яе дырэктар Лілія Лукашэнка сказала: "Мы хочам пазнаёміць наведвальнікаў з сучасным беларускім мастацтвам, яго напрамкамі, каб яны больш поўна прадстаўлялі наш культурны свет, спадчыну і традыцыі. Карціны паказваюць родны край, беларускую прыроду, побыт і хараство Беларусі.

Сярод аўтараў карцін - Таццяна Грыневіч, Антон Вырва, Алег Скавародка, Іван Семілетаў, Глеб Герасімаў, Міхаіл Ляўковіч і інш.

Генеральны дырэктар Цэнтра культуры "Віцебск" і фестывалю мастацтваў "Славянскі базар у Віцебску" Глеб Лапіцкі падкрэсліў: "Разам з папулярнымі музычнымі і тэатральнымі праектамі фестывалю ёсць шырокая выставачная праграма. У бягучым годзе ў яе з'явіліся новыя пляцоўкі, адна з іх - канцэртная зала "Віцебск", дзе пройдзе больш за 10 мерапрыемстваў. Нам хочацца, каб дзякуючы гэтым карцінам кожны госць фестывалю павёз успаміны аб нашай Беларусі, аб якой гавораць мастакі сваімі творамі".

Удзельнікі адкрыцця выставы "Гукі беларускага жывапісу", якая будзе працаваць па 21 ліпеня, змаглі пакінуць на вялікім нотным ключы, прыклеіўшы да яго стыкер з тэкстам, свае водзывы аб выставе. Гэта могуць зрабіць усе госці.

Арганізатарамі выставы выступаюць галерэя-салон "АртХаос" і асацыяцыя абароны інтэлектуальнай уласнасці "БелБрэнд" пры падтрымцы Цэнтра культуры "Віцебск".-0-

Версія для друку
Навіны рубрыкі Культура
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Машынабудаванне Беларусі Машынабудаўнічы комплекс Беларусі прадстаўляюць каля 250 вялікіх і сярэдніх арганізацый, у якіх працуюць 192 тыс. чалавек.