15 студзеня, Мінск /Кар. БЕЛТА/. Выставу "Разам. Да 30-годдзя інстытута прэзідэнцтва ў Рэспубліцы Беларусь" Беларускага саюза мастакоў прадставілі ў Палацы мастацтва, перадае карэспандэнт БЕЛТА.
На выставе прадстаўлены работы айчынных дзеячаў мастацтва, якія ў розныя гады атрымалі дзяржаўныя ўзнагароды.
"Працэс падрыхтоўкі быў даволі працяглы. Многія творцы, якія актыўна працавалі ў канцы 1990-х - пачатку 2000-х гадоў, пайшлі з жыцця. Практычна палавіна выставы - гэта цудоўная класіка беларускага мастацтва ад ужо пайшоўшых ад нас майстроў. Таму мы задзейнічалі нашы фонды, у якіх мы маглі знайсці большасць ад работ, але, вядома, не абмінулі і майстэрні. Асабліва гэта датычыцца маладых мастакоў, якія цяпер актыўна працуюць", - расказала першы намеснік старшыні Беларускага саюза мастакоў, каардынатар праекта Наталля Шаранговіч.
"Напэўна, любому, хто прыйдзе на выставу, будзе цікава на ўласныя вочы паглядзець на першыя эскізныя праекты Канстанціна Касцючэнкі. Гэты малады мастак з'яўляецца аўтарам вельмі знакавага для Беларусі твора: манумента "Брама памяці" ў мемарыяле "Трасцянец". Самае цікавае, то Канстанцін пачынаў распрацоўваць гэту ідэю яшчэ будучы студэнтам", - адзначыла Наталля Шаранговіч.
Яна падкрэсліла, што на выставе прадстаўлены і творчыя дынастыі. Напрыклад, на выставе таксама можна ўбачыць работы Аляксандра Касцючэнкі, бацькі Канстанціна, які вельмі шмат гадоў быў галоўным мастаком тэатра оперы і балета. Таксама прадстаўлена дынастыя Масленікавых. Вядомы пейзажыст Павел Масленікаў некалі быў рэктарам тэатральнага інстытута, яго імем названы музей у Магілёве. Яго сын Уладзімір Масленікаў таксама актыўна займаецца пейзажам і цяпер узначальвае кафедру жывапісу ў Беларускай дзяржаўнай акадэміі мастацтваў.
Сярод галоўных тэм твораў намеснік старшыні Беларускага саюза мастакоў вылучыла тэмы вайны, спорту, Чарнобыля, беларускай прыроды ў пейзажы. Апошняя асабліва яскрава адлюстравана ў работах заслужанага дзеяча мастацтваў Беларусі Віктара Барабанцава. Ураджэнец Гомельшчыны, ён у складзе невялікай групы мастакоў практычна па патрабаванні сэрца адразу ж пасля трагедыі паехаў у Чарнобыльскую зону. І пасля гэтай паездкі нарадзіліся вельмі пранізлівыя, эмацыянальныя творы экалагічнай тэматыкі.
Экспазіцыя прадоўжыць работу да 2 лютага.-0-
На выставе прадстаўлены работы айчынных дзеячаў мастацтва, якія ў розныя гады атрымалі дзяржаўныя ўзнагароды.
"Працэс падрыхтоўкі быў даволі працяглы. Многія творцы, якія актыўна працавалі ў канцы 1990-х - пачатку 2000-х гадоў, пайшлі з жыцця. Практычна палавіна выставы - гэта цудоўная класіка беларускага мастацтва ад ужо пайшоўшых ад нас майстроў. Таму мы задзейнічалі нашы фонды, у якіх мы маглі знайсці большасць ад работ, але, вядома, не абмінулі і майстэрні. Асабліва гэта датычыцца маладых мастакоў, якія цяпер актыўна працуюць", - расказала першы намеснік старшыні Беларускага саюза мастакоў, каардынатар праекта Наталля Шаранговіч.
Паводле яе слоў, на выставе можна ўбачыць каля 70 аўтараў, кожны з якіх прадстаўлены як мінімум адной работай. Жанравае багацце вельмі вялікае: жывапіс на самую розную тэматыку, станковая і манументальная скульптура, кераміка, габелены. Экспазіцыя ўвасабляе сабой змену пакаленняў. На ёй прадстаўлены імёны людзей, якіх глядач ведае па іх праектах яшчэ з 1990-х гадоў: Аляксанднр Кішчанка, Анатоль Бараноўскі, Міхаіл Савіцкі - адзіны мастак, які атрымаў званне Героя Беларусі. Побач з імі стаяць імёны тых мастакоў, якія актыўна працуюць сёння.
"Напэўна, любому, хто прыйдзе на выставу, будзе цікава на ўласныя вочы паглядзець на першыя эскізныя праекты Канстанціна Касцючэнкі. Гэты малады мастак з'яўляецца аўтарам вельмі знакавага для Беларусі твора: манумента "Брама памяці" ў мемарыяле "Трасцянец". Самае цікавае, то Канстанцін пачынаў распрацоўваць гэту ідэю яшчэ будучы студэнтам", - адзначыла Наталля Шаранговіч.
Яна падкрэсліла, што на выставе прадстаўлены і творчыя дынастыі. Напрыклад, на выставе таксама можна ўбачыць работы Аляксандра Касцючэнкі, бацькі Канстанціна, які вельмі шмат гадоў быў галоўным мастаком тэатра оперы і балета. Таксама прадстаўлена дынастыя Масленікавых. Вядомы пейзажыст Павел Масленікаў некалі быў рэктарам тэатральнага інстытута, яго імем названы музей у Магілёве. Яго сын Уладзімір Масленікаў таксама актыўна займаецца пейзажам і цяпер узначальвае кафедру жывапісу ў Беларускай дзяржаўнай акадэміі мастацтваў.
Сярод галоўных тэм твораў намеснік старшыні Беларускага саюза мастакоў вылучыла тэмы вайны, спорту, Чарнобыля, беларускай прыроды ў пейзажы. Апошняя асабліва яскрава адлюстравана ў работах заслужанага дзеяча мастацтваў Беларусі Віктара Барабанцава. Ураджэнец Гомельшчыны, ён у складзе невялікай групы мастакоў практычна па патрабаванні сэрца адразу ж пасля трагедыі паехаў у Чарнобыльскую зону. І пасля гэтай паездкі нарадзіліся вельмі пранізлівыя, эмацыянальныя творы экалагічнай тэматыкі.
Экспазіцыя прадоўжыць работу да 2 лютага.-0-
Падпісвайцеся на нас у
