Мабільная версія
II Еўрапейскія гульні
ДЗЯРЖОРГАНЫ

Апошнія навіны
Усе навіны

Выстава ў Мінску азнаёміць з гісторыяй развіцця грашовых знакаў Кітая

Культура 25.04.2019 | 19:03
Фота з архіва
Фота з архіва

25 красавіка, Мінск /Кар. БЕЛТА/. Выстава "Імперыя серабра" Шэньянскага фінансавага музея адкрыецца 2 жніўня ў Нацыянальным гістарычным музеі Беларусі, паведаміў карэспандэнту БЕЛТА дырэктар установы Павел Сапоцька.

"Унікальная для Беларусі экспазіцыя азнаёміць мінчан і гасцей сталіцы з плацежнымі сродкамі Кітая ад старажытнасці да XIX стагоддзя, - адзначыў Павел Сапоцька. - На выставе будзе прадстаўлена рэтраспектыўная гісторыя развіцця папяровых і металічных грашовых знакаў Кітая. Шэньянскі фінансавы музей пакажа, якую ролю ў эканоміцы кітайскай цывілізацыі адыгрывалі сярэбраныя зліткі і папяровыя грошы, як развівалася фінансавая сістэма на працягу двух тысячагоддзяў. Наведвальнікі змогуць адчуць сябе ў ролі легендарнага падарожніка Марка Пола, які адкрыў Еўропе поспехі эканомікі старажытнага Кітая".

Праект "Імперыя серабра" будзе працаваць па 18 жніўня.

Шэньянскі фінансавы музей, што знаходзіцца ў сталіцы правінцыі Ляанін горадзе Шэньян, мае ў распараджэнні калекцыю з больш як 6 тыс. манет, банкнотаў, зліткаў каштоўных металаў і іншых грашовых сродкаў, што выкарыстоўваліся ў Кітаі з самых старажытных часоў і да нашых дзён. Гэта адзін з самых вялікіх і папулярных у Кітаі музеяў фінансавага профілю, які беражліва захоўвае традыцыі фінансавай і дзелавой сталіцы паўночнага ўсходу КНР. У 2018 годзе Шэньянскі фінансавы музей падпісаў мемарандум аб супрацоўніцтве з Нацыянальным гістарычным музеем. Беларускі і кітайскі бакі дамовіліся аб узаемадзеянні ў сферах захавання музейных калекцый, арганізацыі выстаў, абмену інфармацыяй, музейнай педагогікі і сумесным даследаванні найноўшых музейных тэхналогій.-0-

Версія для друку
Навіны рубрыкі Культура
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Акцыя "Увага - дзеці!" Напярэдадні летніх канікулаў у Беларусі праходзіць акцыя "Увага - дзеці!". Тэрміны акцыі: 25 мая - 5 чэрвеня. Мэта - пазбегнуць траўматызму дзяцей на дарогах.