ДЗЯРЖОРГАНЫДЗЯРЖОРГАНЫ
Флаг Субота, 21 мая 2022
Мінск +10°C
Усе навіны
Усе навіны
Культура
01 лістапада 2021, 09:38

Выстава рэпрадукцый Мікалая Рэрыха адкрыецца ў Бабруйскім гісторыка-краязнаўчым музеі

Фота з архіва
Фота з архіва

1 лістапада, Магілёў /Кар. БЕЛТА/. Выстава рэпрадукцый рускага мастака, вучонага і археолага Мікалая Рэрыха адкрываецца 1 лістапада ў Бабруйскім раённым гісторыка-краязнаўчым музеі. У праекце пад назвай "Святая Русь" будзе прадстаўлена каля 40 твораў майстра, расказала карэспрандэнту БЕЛТА дырэктар установы культуры Вольга Гарбунова.

"Рэпрадукцыі, а таксама фота- і відэаматэрыялы аб жыцці мастака на бязвыплатнай аснове над прадаставіў музей Рэрыха ў Новасібірску, - расказала Вольга Гарбунова. - Гэта наш першы вопыт супрацоўніцтва з расійскай установай культуры. Выставу змогуць убачыць жыхары і госці Бабруйскага раёна, а для выхаванцаў раённай школы мастацтваў будуць арганізаваны тэматычныя ўрокі па жыцці і творчасці мастака".

Мікалай Рэрых пакінуў пасля сябе больш за 7 тыс. духоўна змястоўных твораў непаўторнай прыгажосці. Яго карціны адлюстроўваюць асаблівае ўспрыманне свету, заснаванае на перакананнях мастака ў адзінстве чалавека і прыроды, рэальнасці вобразаў духоўнага свету. Аўтар знаходзіў натхненне ў старадаўніх легендах, казках, народных паданнях, а таксама ў рэлігійнай філасофіі. "Кожная з яго карцін напоўнена патрыятызмам, любоўю да роднай зямлі і яе самабытнай прыроды", - падкрэсліла Вольга Гарбунова.

Выстава будзе праходзіць да 15 снежня.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі