Фота kultura-grodno.by
27 мая, Гродна /Кар. БЕЛТА/. Выстава "У творчым сяброўстве, адзінстве ды згодзе", прымеркаваная да заключных мерапрыемстваў Рэспубліканскага фестывалю нацыянальных культур, адкрылася ў Гродне. Аб гэтым карэспандэнту БЕЛТА паведамілі ў Гродзенскім абласным метадычным цэнтры народнай творчасці.
У экспазіцыі прадстаўлены творы выяўленчага і дэкаратыўна-прыкладнога мастацтва народных майстроў Навагрудскага раёна.
"Навагрудчына - рэгіён, багаты на народных умельцаў, таленавітых рамеснікаў, творчасць якіх адзначана многімі даследчыкамі традыцыйнай культуры Беларусі, - расказала намеснік дырэктара АМЦНТ Наталля Рамановіч. - На выставе прадстаўлены больш за 130 работ. Іх аўтары - мастакі народнага творчага калектыву майстроў сучаснага і традыцыйнага дэкаратыўна-прыкладнога мастацтва "Каляровая альтанка", лепшыя самадзейныя майстры Навагрудчыны".
Асаблівае месца ў кампазіцыі выставы займаюць маючая статус нематэрыяльнай культурнай спадчыны Навагрудчыны традыцыйная выцінанка-выбіванка народнага майстра Наталлі Клімко, сучасныя вырабы з паперы ўдзельнікаў "Школы дызайну" Навагрудскага дзяржаўнага каледжа, творы з саломы майстроў раённага цэнтра рамёстваў.
"Дзякуючы шматлікім экспедыцыям, праведзеным у розны час супрацоўнікамі Навагрудскага цэнтра рамёстваў, у калекцыі прадстаўлены яркія ўзоры мясцовага дэкаратыўна-прыкладнога мастацтва, - дапоўніла Наталля Рамановіч. - Сёння яны вывучаюцца і адраджаюцца таленавітымі майстрамі, работнікамі цэнтра рамёстваў. У экспазіцыі - ткацтва, пляценне паясоў, вышыўка стужкамі, тэкстыльныя лялькі, шыццё з абрэзкаў, вязанне кручком, кавальства, ганчарства".
Для наведвальнікаў выставы праводзяцца майстар-класы па саломапляценні, выцінанцы-выбіванцы і пляценні паясоў.-0-
У экспазіцыі прадстаўлены творы выяўленчага і дэкаратыўна-прыкладнога мастацтва народных майстроў Навагрудскага раёна.
"Навагрудчына - рэгіён, багаты на народных умельцаў, таленавітых рамеснікаў, творчасць якіх адзначана многімі даследчыкамі традыцыйнай культуры Беларусі, - расказала намеснік дырэктара АМЦНТ Наталля Рамановіч. - На выставе прадстаўлены больш за 130 работ. Іх аўтары - мастакі народнага творчага калектыву майстроў сучаснага і традыцыйнага дэкаратыўна-прыкладнога мастацтва "Каляровая альтанка", лепшыя самадзейныя майстры Навагрудчыны".
Асаблівае месца ў кампазіцыі выставы займаюць маючая статус нематэрыяльнай культурнай спадчыны Навагрудчыны традыцыйная выцінанка-выбіванка народнага майстра Наталлі Клімко, сучасныя вырабы з паперы ўдзельнікаў "Школы дызайну" Навагрудскага дзяржаўнага каледжа, творы з саломы майстроў раённага цэнтра рамёстваў.
"Дзякуючы шматлікім экспедыцыям, праведзеным у розны час супрацоўнікамі Навагрудскага цэнтра рамёстваў, у калекцыі прадстаўлены яркія ўзоры мясцовага дэкаратыўна-прыкладнога мастацтва, - дапоўніла Наталля Рамановіч. - Сёння яны вывучаюцца і адраджаюцца таленавітымі майстрамі, работнікамі цэнтра рамёстваў. У экспазіцыі - ткацтва, пляценне паясоў, вышыўка стужкамі, тэкстыльныя лялькі, шыццё з абрэзкаў, вязанне кручком, кавальства, ганчарства".
Для наведвальнікаў выставы праводзяцца майстар-класы па саломапляценні, выцінанцы-выбіванцы і пляценні паясоў.-0-
