ДЗЯРЖОРГАНЫДЗЯРЖОРГАНЫ
Нядзеля, 20 верасня 2020
Мінск Ясна +8°C
Усе навіны
Усе навіны
Культура
10 верасня 2020, 16:25

Выстава майстроў беларускага пейзажа праходзіць у Нацыянальным мастацкім музеі

Фота з архіва
Фота з архіва

10 верасня, Мінск /Кар. БЕЛТА/. Выстава "Малая радзіма - Вялікая зямля" праходзіць у Нацыянальным мастацкім музеі Беларусі. Аб гэтым БЕЛТА паведамілі арганізатары.

У экспазіцыі прадстаўлены творы майстроў, якія маюць пазнавальны творчы почырк. Гэта ўраджэнцы практычна ўсіх абласцей Беларусі, пакаленне беларускіх мастакоў ХХ стагоддзя. "Цікавасць да вялікіх і маленькіх гарадоў, вёсак, мястэчак праяўляецца дзякуючы чалавеку, які стварае і праслаўляе іх самабытную гісторыю, іх простую і разам з тым прыцягальную прыгажосць", - адзначылі ў музеі.

Большая частка прадстаўленых у праекце карцін - пейзажы. "Існуюць аб'ектыўныя прычыны папулярнасці гэтага жанру сярод мастакоў і аматараў мастацтва. Адна з іх - унікальны беларускі ландшафт мясцовасці. Простая і знешне непрыметная прырода, палі і лугі, палосы лесу, азёры і берагі ў оптыцы мастакоў ператвараюцца ў вялікі і магутны арганізм. Гэта адкрывае манументальнасць, сілу і глыбіню ў кожным, на першы погляд, выпадковым матыве. Такія работы Віктара Грамыкі, Віталя Цвіркі, Уладзіміра Пасюкевіча, Мікалая Ісаёнка, Яўгена Зайцава", - расказалі арганізатары.

Палотны Мікалая Казакевіча, Дзмітрыя Алейніка, Роберта Ландарскага пранізаны элегічным настроем. Рамантыка працоўных будняў і свята ўвасоблена ў работах Віктара Маркаўца, Івана Стасевіча, Мая Данцыга, Міхася Сеўрука. Шэптам сівых легенд напоўнены палотны Леаніда Шчамялёва, Валянціна Савіцкага, Уладзіміра Кожуха. Веліч манументальных канструкцый прамысловых збудаванняў, інтэнсіўнасць рытмаў, выразнасць эфектаў характэрная для індустрыяльных пейзажаў Натана Воранава, Антона Каржанеўскага.

Наведаць выставу можна па 25 кастрычніка.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі