ДЗЯРЖОРГАНЫДЗЯРЖОРГАНЫ
Флаг Пятніца, 9 снежня 2022
Мінск -3°C
Усе навіны
Усе навіны
Культура
07 чэрвеня 2022, 14:40

Выстава карцін аб знакамітай радзіме Янкі Купалы адкрылася ў Вязынцы

Фота з архіва
Фота з архіва

7 чэрвеня, Мінск /Кар. БЕЛТА/. Выстава карцін аб знакамітай радзіме Янкі Купалы "Мой родны кут" адкрылася ў Купалаўскім мемарыяльным запаведніку "Вязынка" (Маладзечанскі раён), паведамілі БЕЛТА ў Дзяржаўным літаратурным музеі Янкі Купалы.

Дом у Вязынцы, дзе нарадзіўся паэт, краявіды, сярод якіх рос будучы класік, здаўна прыцягвалі мастакоў і фатографаў. У бягучым годзе свае работы тут прадстаўляе мастак Віктар Данілаў, жыхар Пятрышак, што пад Вязынкай. У яго работах, створаных у розныя поры года ў жанры архітэктурнага пейзажу, знайшлі адлюстраванне Вязынка і яе наваколле, маляўнічыя куткі Заслаўя, Радашковіч і Маладзечна.

"Я амаль заўсёды пішу эцюдную карціну з натуры алеем або акварэллю, - адзначыў Віктар Данілаў. - Архітэктурны пейзаж - мой любімы жанр, дзе моцна зліты гісторыя, архітэктура і прырода".

Жыццё Віктара Данілава непарыўна звязана з Расіяй і Беларуссю. Мастак нарадзіўся 13 жніўня 1946 года ў горадзе Сучан Прыморскага края, у горадзе Вялікія Лукі Пскоўскай вобласці скончыў сярэднюю школу і некаторы час працаваў токарам на радыёзаводзе. Але месца для вучобы выбраў у Беларусі - у 1970 годзе скончыў мастацка-графічны факультэт Віцебскага дзяржаўнага педагагічнага інстытута імя С.М. Кірава. Пасля яго заканчэння апынуўся ў Мінску, дзе і застаўся на 40 гадоў у сферы адукацыі: спачатку настаўнікам малявання ў сярэдняй школе, потым выкладчыкам выяўленчага мастацтва ў Беларускім дзяржаўным педагагічным універсітэце імя Максіма Танка. Ім напісаны дзясяткі навукова-метадычных распрацовак, тыпавых і аўтарскіх вучэбных праграм. Мастак з'яўляецца членам Міжнароднай гільдыі мастакоў і Еўразійскага мастацкага саюза.

Выстава прадоўжыцца да кастрычніка 2022 года.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі