ДЗЯРЖОРГАНЫДЗЯРЖОРГАНЫ
Флаг Нядзеля, 25 верасня 2022
Мінск Малавоблачна +11°C
Усе навіны
Усе навіны
Культура
22 снежня 2021, 09:03

Выстава "Гімн сонцу" ў Гомелі раскажа аб духоўнай спадчыне продкаў

Фота з архіва
Фота з архіва

22 снежня, Гомель /Кар. БЕЛТА/. Выстава дэкаратыўна-прыкладнога мастацтва "Гімн сонцу" адкрыецца 24 снежня ў Гомельскім абласным цэнтры народнай творчасці, паведамілі карэспандэнту БЕЛТА ва ўстанове.

"Сучаснаму чалавеку складана ўявіць, наколькі нашы продкі адчувалі залежнасць іх жыцця ад нябесных свяцілаў і як важна было яднанне з сіламі прыроды. Адлюстраванне арнаментаў, салярных знакаў у штодзённым жыцці чалавека, святах і абрадах было неад'емнай часткай шанавання. Зварот да магутных звышнатуральных сіл з просьбай аб спрыянні і абароне мела глыбокі сэнс і сакральнае значэнне", - расказалі ў абласным цэнтры народнай творчасці.

Экспазіцыя - гэта адлюстраванне захаванай нематэрыяльнай духоўнай спадчыны нашых продкаў, што ўвасобілася ў дамавой разьбе, арнаментах вышыўкі на адзенні, тканых ручніках. Гэтыя вырабы, выкананыя майстрамі раёнаў вобласці, і прадставяць на выставе.

"Выстава адрасавана шырокаму колу гледачоў, якія змогуць дакрануцца да спрадвечных традыцый нашай зямлі", - адзначылі арганізатары.

"Гімн сонцу" можна будзе ўбачыць па 11 лютага 2022 года. Уваход свабодны.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі