Фота sb.by
30 снежня, Мінск /Кар. БЕЛТА/. Выстава "Лейба Альпяровіч. Да 150-годдзя" пачала работу ў Нацыянальным мастацкім музеі, паведамілі БЕЛТА ва ўстанове культуры.
Лейба (Леў) Альпяровіч - класік беларускага выяўленчага мастацтва мяжы ХІХ-ХХ стагоддзяў, які вытанчана і тонка выказаў у сваіх жывапісных і графічных творах светаадчуванне эпохі "сярэбранага веку".
Яго мастацтва - гэта тонкія карункі з розных мастацкіх ніцей: рамантызму, жывапіснага рэалізму позняга перадзвіжніцтва, імпрэсіянізму, вытанчанага мадэрну, сімвалізму і інтуітыўна злоўленага экспрэсіяністычнага хвалявання.
Леў Альпяровіч скончыў Рысавальную школу акадэміка І.Трутнева ў Вільні, Рысавальную школу і агульнаадукацыйнае вучылішча Адэскага таварыства прыгожых мастацтваў, Вышэйшае мастацкае вучылішча пры Імператарскай акадэміі мастацтваў, быў вучнем Ільі Рэпіна. А яго асоба займае ганаровае месца ў трыядзе самых знакамітых аўтараў даваеннага беларускага мастацтва.
У экспазіцыі прадстаўлены творы мастака і фатаграфічныя работы пачатку ХХ стагоддзя. Выстава прадоўжыць работу да 23 лютага.-0-
Лейба (Леў) Альпяровіч - класік беларускага выяўленчага мастацтва мяжы ХІХ-ХХ стагоддзяў, які вытанчана і тонка выказаў у сваіх жывапісных і графічных творах светаадчуванне эпохі "сярэбранага веку".
Яго мастацтва - гэта тонкія карункі з розных мастацкіх ніцей: рамантызму, жывапіснага рэалізму позняга перадзвіжніцтва, імпрэсіянізму, вытанчанага мадэрну, сімвалізму і інтуітыўна злоўленага экспрэсіяністычнага хвалявання.
Леў Альпяровіч скончыў Рысавальную школу акадэміка І.Трутнева ў Вільні, Рысавальную школу і агульнаадукацыйнае вучылішча Адэскага таварыства прыгожых мастацтваў, Вышэйшае мастацкае вучылішча пры Імператарскай акадэміі мастацтваў, быў вучнем Ільі Рэпіна. А яго асоба займае ганаровае месца ў трыядзе самых знакамітых аўтараў даваеннага беларускага мастацтва.
У экспазіцыі прадстаўлены творы мастака і фатаграфічныя работы пачатку ХХ стагоддзя. Выстава прадоўжыць работу да 23 лютага.-0-
Падпісвайцеся на нас у
