Фота bdamlm.by
12 мая, Мінск /Кар. БЕЛТА/. Выставу "Кожная роля - галоўная", прымеркаваную да 120-годдзя з дня нараджэння вядомай актрысы кіно і тэатра Стэфаніі Станюты, прадставяць у Беларускім дзяржаўным архіве-музеі літаратуры і мастацтва 13 мая, паведамілі БЕЛТА ва ўстанове культуры.
Як расказала куратар выставы, вядучы архівіст музея Наталля Мізон, можна будзе ўбачыць дакументы, якія раскрываюць жыццёвы і творчы шлях вялікай актрысы, фотаздымкі і тэксты роляў, рукапісы і малюнкі, перапіскі з роднымі і знаёмымі, водгукі крытыкаў і фанатаў, дакументы творчай і грамадскай дзейнасці.
"Госці музея змогуць убачыць фотаздымкі Стэфаніі Станюты з сынам-пісьменнікам, сярод работ якога ёсць і кніга пра маці. Акрамя таго, у экспазіцыі будуць дакументы, звязаныя з Другім беларускім драматычным тэатрам, які цяпер носіць імя Якуба Коласа. У ім пачыналі свой шлях многія вядомыя беларускія акцёры, якія з 1921 па 1926 год вучыліся ў вялікіх майстроў сцэны ў Маскве, а потым прыехалі ў Віцебск і стварылі там свой тэатр", - дадала яна.
"Многія акцёры пасля перайшлі ў Першы беларускі драматычны тэатр у Мінску, які цяпер носіць імя Янкі Купалы. У час вайны тэатр апынуўся ў Томску. У нас захаваліся тэксты роляў, якія тады выконвала Стэфанія Міхайлаўна", - адзначыла Наталля Мізон.
"Адну з самых цікавых роляў Стэфанія Станюта выканала ў пастаноўцы "Гаральд і Мод", дзе яна іграе 80-гадовую жанчыну, у якую закахаўся малады чалавек. У гэтай драме паказваўся лёс жанчыны, прайшоўшай праз лагер смерці ў час вайны. Гэту ролю актрыса выконвала, калі ёй было каля 85 гадоў", - падкрэсліла куратар выставы.
На думку Наталлі Мізон, нават маленькія ролі Стэфаніі Станюты былі настолькі геніяльныя, што ўвасобленыя ёю вобразы жанчыны і маці запомніліся гледачу на доўгія гады.-0-
Як расказала куратар выставы, вядучы архівіст музея Наталля Мізон, можна будзе ўбачыць дакументы, якія раскрываюць жыццёвы і творчы шлях вялікай актрысы, фотаздымкі і тэксты роляў, рукапісы і малюнкі, перапіскі з роднымі і знаёмымі, водгукі крытыкаў і фанатаў, дакументы творчай і грамадскай дзейнасці.
"Госці музея змогуць убачыць фотаздымкі Стэфаніі Станюты з сынам-пісьменнікам, сярод работ якога ёсць і кніга пра маці. Акрамя таго, у экспазіцыі будуць дакументы, звязаныя з Другім беларускім драматычным тэатрам, які цяпер носіць імя Якуба Коласа. У ім пачыналі свой шлях многія вядомыя беларускія акцёры, якія з 1921 па 1926 год вучыліся ў вялікіх майстроў сцэны ў Маскве, а потым прыехалі ў Віцебск і стварылі там свой тэатр", - дадала яна.
"Многія акцёры пасля перайшлі ў Першы беларускі драматычны тэатр у Мінску, які цяпер носіць імя Янкі Купалы. У час вайны тэатр апынуўся ў Томску. У нас захаваліся тэксты роляў, якія тады выконвала Стэфанія Міхайлаўна", - адзначыла Наталля Мізон.
"Адну з самых цікавых роляў Стэфанія Станюта выканала ў пастаноўцы "Гаральд і Мод", дзе яна іграе 80-гадовую жанчыну, у якую закахаўся малады чалавек. У гэтай драме паказваўся лёс жанчыны, прайшоўшай праз лагер смерці ў час вайны. Гэту ролю актрыса выконвала, калі ёй было каля 85 гадоў", - падкрэсліла куратар выставы.
На думку Наталлі Мізон, нават маленькія ролі Стэфаніі Станюты былі настолькі геніяльныя, што ўвасобленыя ёю вобразы жанчыны і маці запомніліся гледачу на доўгія гады.-0-
Падпісвайцеся на нас у
