Мабільная версія
ДЗЯРЖОРГАНЫ

Апошнія навіны
Усе навіны

Выстаўка ў Мінску пазнаёміць з гісторыяй калекцыяніравання

Культура 28.10.2019 | 12:42
Фота з архіва
Фота з архіва

27 кастрычніка, Мінск /Кар. БЕЛТА/. Выстаўка "Захавальнікі памяці: музеі і калекцыянеры", падрыхтаваная ў рамках гранта Прэзідэнта Беларусі ў культуры адкрываецца 31 кастрычніка ў Нацыянальным гістарычным музеі Беларусі, паведамілі БЕЛТА ва ўстанове.

Экспазіцыя падзелена на 2 часткі, першая - гістарычная. Яна знаёміць з гісторыяй самога феномена калекцыяніравання ў Беларусі ад збору Радзівілаў XVI стагоддзя да нашых дзён, прыватнымі калекцыямі, што паступілі ў розны час у зборы дзяржаўных музеяў і сталі часткай музейнага фонду Беларусі або паслужылі фундаментам для стварэння музеяў.

Наведвальнікі ўбачаць прадметы з былой калекцыі Паскевічаў, якія сёння захоўвае Нацыянальны гістарычны музей, артэфакты, сабраныя заснавальнікамі царкоўных гісторыка-археалагічных музеяў Магілёва і Віцебска, помнікі з былога Беларускага гісторыка-этнаграфічнага музея імя Івана Луцкевіча ў Вільна, які ўзнік дзякуючы асабістым зборам аднаго з заснавальнікаў і ідэйных кіраўнікоў беларускага культурна-асветнага і грамадска-палітычнага руху.

Савецкі перыяд прадстаўлены калекцыямі, якія захоўваюцца ў фондах Нацыянальнага гістарычнага музея і яго філіялаў: Музея гісторыі тэатральнай і музычнай культуры, Музея прыроды і экалогіі, якія сведчаць аб новых напрамках і змесце калекцыяніравання.

Завяршаецца першая частка музейнага паказу раздзеламі, прысвечанымі Музею гісторыі прыватнага калекцыяніравання ў Віцебску і ўдзелу замежных збіральнікаў у справе папаўнення беларускіх музейных збораў помнікамі гісторыі і культуры. Размова ідзе аб калекцыі злепкаў са старажытнаегіпецкіх, антычных і класічных скульптур, падоранай мастачкай беларускага паходжання з Францыі Надзеяй Хадасевіч-Лежэ Дзяржаўнай галерэі БССР (цяпер Нацыянальны мастацкі музей), і партрэты XVI -XIX стагоддзяў, набытыя музеем "Замкавы комплекс "Мір" у князя Канстанціна Гогенлоэ-Шылінгсфюрста.

Другая частка - шырокая прэзентацыя прыватных калекцый, кожная з якіх мае свае асаблівасці, якія так ці інакш характарызуюць уладальнікаў збораў. У час падрыхтоўкі выставачнага праекта перавага аддавалася прадметам беларускага паходжання, а таксама тым, якія раней не экспанаваліся. Наведвальнікі пазнаёмяцца з калекцыямі абразоў, старажытных карт, сталовага срэбра, фарфору, гадзіннікаў, старадрукаваных кніг, з творамі выяўленчага і дэкаратыўна-прыкладнога мастацтва.

Сярод удзельнікаў праекта - прыватны музей-сядзіба "Мірскі пасад", музей-галерэя "Янушкевічы". Карпаратыўныя калекцыі прэзентуюць Белгазпрамбанк і Пріорбанк. Выстаўка, мэтай якой з'яўляецца паказ поспехаў і перспектыў супрацоўніцтва музеяў і прыватных калекцыянераў, адрасавана самай шырокай аўдыторыі. Тэматычная разнастайнасць прадстаўленых артэфактаў, іх храналагічны дыяпазон і геаграфія зацікавяць многіх, у тым ліку тых, хто сам захоплены калекцыяніраваннем.

Генеральным партнёрам выставачнага праекта выступіла кампанія JTI. "Адна з мэт кампаніі па-за рамкамі асноўнага бізнесу - пазітыўнае сацыяльнае ўздзеянне. Пашырэнне доступу шырокай грамадскасці да аб'ектаў гісторыка-культурнай спадчыны з'яўляецца важным элементам такога ўздзеяння, і выстаўка "Захавальнікі памяці: музеі і калекцыянеры" - яшчэ адзін крок у такім напрамку. Гэты праект можа быць прыкладам паспяховага дзяржаўна-прыватнага партнёрства, развіццё якога кампанія падтрымлівае ва ўсіх сферах", - адзначыў намеснік генеральнага менеджара JTI ў Беларусі Генадзь Бруснікаў.-0-

Версія для друку
Навіны рубрыкі Культура
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Галасаванне на выбарах дэпутатаў Палаты прадстаўнікоў Датэрміновае галасаванне на выбарах дэпутатаў Палаты прадстаўнікоў Нацыянальнага сходу Беларусі сёмага склікання пройдзе з 12 па 16 лістапада ўключна.