ДЗЯРЖОРГАНЫДЗЯРЖОРГАНЫ
Флаг Субота, 8 мая 2021
Мінск Суцэльная воблачнасць +8°C
Усе навіны
Усе навіны
Культура
23 сакавіка 2021, 15:37

Выстаўка "Мінск, ты сэрца Беларусі" адкрыецца 26 сакавіка ў галерэі "Універсітэт культуры"

Фота з архіва
Фота з архіва

23 сакавіка, Мінск /Кар. БЕЛТА/. Выстаўка "Мінск, ты сэрца Беларусі" ІІ Мінскага гарадскога адкрытага конкурсу выяўленчага мастацтва, скульптуры і дэкаратыўна-прыкладнога мастацтва навучэнцаў дзіцячых школ мастацтваў беларускай сталіцы пройдзе з 26 сакавіка па 9 красавіка ў мастацкай галерэі "Універсітэт культуры". Аб гэтым БЕЛТА паведамілі ва ўстанове культуры.

У экспазіцыі будуць прадстаўлены работы вучняў сталічных дзіцячых мастацкіх школ. "Прадстаўленыя на выстаўцы работы дэманструюць жанрава-стылявую і тэматычную разнастайнасць выяўленчай дзейнасці навучэнцаў, арганічна спалучаюць у сабе традыцыйныя і наватарскія падыходы. Творы юных мастакоў паказваюць чысты, любімы горад, адлюстроўваюць непасрэднасць іх светаўспрымання, у нечым наіўны і ў той жа час па-свойму мудры погляд на навакольную рэчаіснасць", - адзначылі арганізатары.

Выстаўка праводзіцца ў Год народнага адзінства, калі асноўнымі прыярытэтамі з'яўляюцца развіццё і падтрымка творчых ініцыятыў, арганізацыя комплексу культурных мерапрыемстваў з удзелам адоранай і таленавітай моладзі, выхаванне пачуцця патрыятызму і павагі да сваёй Радзімы ў маладога пакалення.

ІІ Мінскі гарадскі адкрыты конкурс выяўленчага мастацтва, скульптуры і дэкаратыўна-прыкладнога мастацтва праводзіцца раз у два гады і з'яўляецца вынікам вывучэння гарадскіх пейзажаў і жыцця Мінска. "Конкурс адлюстроўвае не толькі разнастайнасць творчасці юных талентаў, але і высокі прафесійны ўзровень выкладчыкаў школ мастацтваў. Паміж педагогамі і навучэнцамі, аб'яднанымі працэсам мастацкай дзейнасці, пастаянна адбываецца абмен ведамі і вопытам. Менавіта майстэрства выкладчыкаў шмат у чым садзейнічае раскрыццю адоранасці дзяцей, фарміраванню іх як рознабакова развітых асоб, здольных да эстэтычнага перажывання і творчага самавыяўлення", - падкрэслілі арганізатары.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі