ДЗЯРЖОРГАНЫДЗЯРЖОРГАНЫ
Флаг Субота, 4 снежня 2021
Мінск -3°C
Усе навіны
Усе навіны
Культура
28 кастрычніка 2021, 19:21

Выстаўка індыйскага тэкстылю і дэкору адкрылася ў НББ

Фота з архіва
Фота з архіва

28 кастрычніка, Мінск /Кар. БЕЛТА/. Выстаўка мастацкага тэкстылю "Чароўныя фарбы Індыі" адкрылася сёння ў Нацыянальнай бібліятэцы Беларусі, паведамілі БЕЛТА ва ўстанове культуры.

"Выстаўка знаёміць з каларытам, яркімі традыцыямі, філасофіяй і міфалогіяй Індыі. Госці могуць акунуцца ў гістарычнае мінулае гэтай краіны, вывучыць лад жыцця індыйцаў", - адзначылі арганізатары.

У экспазіцыі прадстаўлены мастацкі тэкстыль, старадаўнія і сучасныя дываны, тканыя пано, шаўковыя шалі, традыцыйныя сары. Можна ўбачыць вырабы дэкаратыўна-прыкладнога мастацтва з дрэва і бавоўны, роспісы скруткаў на аснове тканіны, вышыўку залатымі ніткамі, прадметы ўжытку і многае іншае.

Экспанаты прадаставіў Індыйскі савет па культурных сувязях (ICCR). "Праект паказвае беларусам індыйскую культурную спадчыну. Гэта важна, бо нашы краіны плённа супрацоўнічаюць у гандлі, вытворчасці, культуры і навуцы", - адзначылі ў бібліятэцы.

Гэта першая такая выстаўка ў Мінску. Яе арганізавалі Нацыянальная бібліятэка Беларусі і пасольства Індыі ў нашай краіне.

Экспазіцыю можна ўбачыць у галерэі "Атрыум" НББ па 20 лістапада.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі