Мабільная версія
ДЗЯРЖОРГАНЫ

Апошнія навіны
ІНФАГРАФІКА: "Дакар-2019": вынікі ўдзелу
18 Студзень, 16:30 Стужка навiн
Усе навіны

Вядомыя арганісты з васьмі краін дадуць серыю канцэртаў у Гродне

Культура 14.09.2016 | 13:16

14 верасня, Гродна /Алена Стасюкевіч - БЕЛТА/. Вядомыя арганісты з васьмі краін дадуць серыю канцэртаў у Гродне з 20 верасня па 24 лістапада, паведамілі карэспандэнту БЕЛТА ў адміністрацыі Гродзенскага дзяржаўнага музычнага каледжа.

З канцэртамі ў Гродне выступяць выдатныя майстры арганнага майстэрства з Беларусі, Польшчы, Расіі, ЗША, Ізраіля, Германіі, Японіі, Італіі. Сярод іх - лаўрэат міжнародных конкурсаў арганіст з Беластока Юзаф Катовіч, адзін з выдатных сучасных нямецкіх выканаўцаў арганнай музыкі Іаганес Геферт, вядомы італьянскі арганіст-імправізатар Эўджэніа Марыя Фаджыяні. Сольныя канцэрты запланаваны на 20 і 29 верасня. Таксама адбудуцца чатыры канцэрты ў кастрычніку (6, 13, 20 і 27 чысла) і ў лістападзе (3, 10, 17 і 24-га).

Міжнароднае свята арганнай музыкі "Арганы Еўропы гучаць у Гродне" пройдзе трэці раз. Першыя два фестывалі праведзены ў 2014 і 2015 гадах і атрымалі высокую ацэнку слухачоў, якія па заслугах ацанілі майстэрства выканаўцаў. Арганісты выконваюць творы на ўнікальным, адзіным не толькі ў Беларусі, але і на тэрыторыі СНД, аргане Magnus Silesia Royal, устаноўленым у канцэртнай зале каледжа.

Пры стварэнні гэтага музычнага інструмента выкарыстоўваліся найноўшыя дасягненні гукаінжынерных і камп'ютарных тэхналогій, якія даюць магчымасць узнавіць сапраўднае тэмбравае гучанне рэальна існуючых арганаў Еўропы, запісаных у памяць інструмента. Magnus Silesio Royal з'яўляецца поўнай віртуальнай мадэллю арганаў з сабораў у італьянскім Брэшыя (каля 1600 года), у чэшскай Празе (1673 год), Цволе ў Германіі (1721 год), Кжэшуф у Польшчы (1732-1737 гады), а таксама вядомых арганаў з Францыі, Англіі, Нідэрландаў і Італіі.-0-

Версія для друку
Навіны рубрыкі Культура
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

"Дакар-2019": вынікі ўдзелу Тры экіпажы каманды "МАЗ-СПОРТаўта" прынялі ўдзел у ралі-марафоне "Дакар-2019"* у катэгорыі "Грузавікі".