Сцяг Субота, 18 мая 2024
Усе навіны
Усе навіны
Культура
10 студзеня 2023, 10:26

Віцебская абласная філармонія раскажа пра творчасць рэжысёра Франка Дзэфірэлі

10 студзеня, Віцебск /Алеся Пушнякова - БЕЛТА/. Пра творчасць вядомага рэжысёра тэатра і оперы Франка Дзэфірэлі раскажуць у Віцебскай абласной філармоніі на лекцыі цыкла Ad libitum, якая пройдзе 12 студзеня ў 19.00. Аб гэтым карэспандэнту БЕЛТА паведамілі ва ўстанове культуры.

У малой зале філармоніі гледачоў будзе чакаць лекцыя-канцэрт "Мастацтва XX стагоддзя ў асобах". На гэты раз яна будзе прысвечана творчасці італьянскага дзеяча мастацтва Франка Дзэфірэлі. Ён быў оперным рэжысёрам, кінематаграфістам, сцэнарыстам, тэатральным рэжысёрам і прадзюсарам, які пачынаў кар'еру ў якасці асістэнта легендарнага рэжысёра-арыстакрата Лукіна Вісконці. Франка Дзэфірэлі быў двойчы намініраваны на "Оскар", атрымаў дзве прэміі "Эмі" і стаў пяціразовым уладальнікам італьянскай кінапрэміі "Давід ды Данатэла".

"Кацярына Дыбаль раскажа, як тэатральная работа над "Рамэа і Джульета" дапамагла рэжысёру стварыць адну з лепшых кінаадаптацый п'есы, чаму яго рэпутацыя пахіснулася пасля выхаду фільма "Брат Сонца, сястра Месяц" і як яму ўдалося дасягнуць новых вяршынь дзякуючы фільмам "Ісус з Назарэта" і "Калас назаўжды", - адзначылі ў абласной філармоніі.

Акунуцца ў творчасць знакамітага рэжысёра дапамогуць салісты філармоніі. Слухачоў чакае вечар гарачай італьянскай музыкі. Таццяна Шахрай (фартэпіяна), Сяргей Белавусаў (барытон), Аксана Новікава (сапрана), Алена Паўленкава (сапрана), Вераніка Саўчанка (меца-сапрана) і Таццяна Моўля (цымбалы) выканаюць арыі з опер і музыку з кінафільмаў Франка Дзэфірэлі.-0-

Падпісвайцеся на нас у
Twitter
Топ-навіны
Свежыя навіны Беларусі