ДЗЯРЖОРГАНЫДЗЯРЖОРГАНЫ
Флаг Аўторак, 5 ліпеня 2022
Мінск Ясна +19°C
Усе навіны
Усе навіны
Культура
06 красавіка 2022, 10:33

Віцебская абласная філармонія прадставіць дэбютны праект "Сімфатэрапія"

Фота з архіва
Фота з архіва

6 красавіка, Віцебск /Алеся Пушнякова - БЕЛТА/. У юбілейны для сімфанічнага аркестра Віцебскай абласной філармоніі год любімы віцябчанам калектыў, мастацкі кіраўнік і галоўны дырыжор аркестра Уладзімір Бяляўскі падрыхтавалі новую праграму пад назвай "Сімфатэрапія". Аб гэтым карэспандэнту БЕЛТА паведамілі ва ўстанове культуры.

Прэм'ера праграмы адбудзецца 8 красавіка. Сімфанічны аркестр, канцэрты якога нязменна збіралі аншлагі нават у час пандэміі, прадставіць сваім паклоннікам сімбіёз эстрадна-джазавых хітоў і ўсім вядомых саўндтрэкаў са знакамітых кінастужак.

"Наш аркестр выступае кожны месяц, і да чарговага канцэрта мы з калектывам рыхтуем праграму, у якую ўключаем некалькі кампазіцый, якія ўжо палюбіліся нашым слухачам, і навінкі, каб зрабіць больш разнастайным рэпертуар. На гэты раз спадзяёмся здзівіць знатакоў якаснай жывой музыкі папуры з джазавых і эстрадных хітоў, кампазіцыямі з фільмаў, такіх як "Форэст Гамп", "Шэрбурскія парасоны" і іншых. Упершыню віцябчане і госці абласнога цэнтра пачуюць у выкананні альт-саксафона твор у лацінаамерыканскім стылі боса-нова. Таксама знаёмыя мелодыі зайграюць новымі фарбамі і будуць абрамлены ў стылі соўл, фанк, ска. У цэлым наша праграма будзе лёгкай, вясёлай і створанай для паляпшэння настрою. Мы спадзяёмся, што гэты вясенні музычны сеанс падорыць слухачам зарад пазітыўнай энергіі і яркія эмоцыі", - падзяліўся Уладзімір Бяляўскі.

У праграме "Сімфатэрапіі" будзе гучаць музыка Л.Бернстайна, Дж.Браўна, К.Джонса, А.Жабіна, Х.Кармайкла, П.Макартні, Г.Манчыні, М.Леграна, А.Сільвестры, Дж.Уільямса, Д.Элінгтана.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі