Мабільная версія
ДЗЯРЖОРГАНЫ

Апошнія навіны
Усе навіны

Відэавізіткі дзіцячага "Еўрабачання-2018" перанясуць фіналістаў у розныя куткі Беларусі

Культура 22.11.2018 | 13:19
У час здымкі візітак. Кадр з відэа Белтэлерадыёкампаніі
У час здымкі візітак. Кадр з відэа Белтэлерадыёкампаніі

22 лістапада, Мінск /Кар. БЕЛТА/. Відэавізіткі міжнароднага дзіцячага конкурсу песні "Еўрабачанне-2018" перанясуць фіналістаў у розныя куткі Беларусі, паведаміла карэспандэнту БЕЛТА кіраўнік прэс-службы Белтэлерадыёкампаніі Святлана Смалонская-Краскоўская.

"Творчая каманда Белтэлерадыёкампаніі прыдумала 20 міні-гісторый. Паводле рэжысёрскай задумы, дзеці з дапамогай акуляраў віртуальнай рэальнасці пераносяцца ў розныя куткі Беларусі. Відэавізіткі будуць паказваць на вялікіх экранах у "Мінск-Арэне" за некалькі секунд да выхаду ўдзельніка на сцэну", - расказала Святлана Смалонская-Краскоўская.

Цяпер праходзяць рэпетыцыі ўдзельнікаў фінальнага шоу. "22-23 лістапада пройдуць другія рэпетыцыі на сцэне "Мінск-Арэны". Акрамя таго, фіналістам конкурсу песні трэба будзе адказаць на шматлікія пытанні СМІ ў час прэс-канферэнцый. Для канкурсантаў таксама падрыхтавана насычаная культурная праграма, што дасць магчымасць ім бліжэй азнаёміцца з Беларуссю", - адзначыла кіраўнік прэс-службы.

Доўгачаканы фінальны канцэрт дзіцячага "Еўрабачання-2018" пачнецца 25 лістапада ў 18.00 у "Мінск-Арэне". Прадстаўнік Беларусі Даніэль Ястрэмскі выступіць пад восьмым нумарам. Ён выканае кампазіцыю "Time". А каб гледачы шоу змаглі сапраўды акунуцца ў атмасферу музыкачнага свята, арганізатары запрашаюць прыходзіць у "Мінск-Арэну" загадзя - у фае для іх будзе арганізавана забаўляльная праграма.

Прамую трансляцыю песеннага форуму будуць весці тэлеканалы "Беларусь 1" і "Беларусь 24", а таксама сайт Белтэлерадыёкампаніі www.tvr.by і афіцыйны сайт дзіцячага "Еўрабачання" www.junioreurovision.tv

За ўсімі падзеямі Еўратыдня можна таксама сачыць у выпусках навін і дзённіках конкурсу, якія выходзяць на "Беларусь 1" па буднях у 20.55, а ў нядзелю - у 17.35.

Арганізатарам усіх мерапрыемстваў дзіцячага "Еўрабачання-2018" выступае Белтэлерадыёкампанія як адзіны ў Беларусі член Еўрапейскага вяшчальнага саюза (ЕВС).-0-

Версія для друку
Навіны рубрыкі Культура
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Работа ўстаноў аховы здароўя ў выхадныя і святочныя дні ў маі У час святочных мерапрыемстваў будуць дзяжурыць медыкі. Службы хуткай медыцынскай дапамогі будуць пераведзены ў рэжым павышанай гатоўнасці.