ДЗЯРЖОРГАНЫДЗЯРЖОРГАНЫ
Флаг Пятніца, 7 кастрычніка 2022
Мінск Ясна +7°C
Усе навіны
Усе навіны
Культура
18 ліпеня 2022, 10:13

Уладальнікам Гран-пры конкурсу маладых выканаўцаў на "Славянскім базары" стала беларуска

Ганна Трубяцкая
Ганна Трубяцкая

18 ліпеня, Віцебск /Алеся Пушнякова - БЕЛТА/. У Віцебску 17 ліпеня вызначылі пераможцу ХХХІ Міжнароднага конкурсу маладых выканаўцаў эстраднай песні "Віцебск", перадае карэспандэнт БЕЛТА.

Ліра і дыплом уладальніка Гран-пры дасталіся прадстаўніцы Беларусі Ганне Трубяцкой. У першы конкурсны дзень маладая спявачка набрала максімальную колькасць балаў, умацаваўшыся ў топе турнірнай табліцы разам з італьянкай Мартай. У другі дзень артыстка выканала сусветны хіт AC/DC Highway to Hell, які здабыў ёй перамогу ў песенным конкурсе на "Славянскім базары".

У выніку Беларусь у гэтым годзе стала абсалютным чэмпіёнам песенных конкурсаў "Славянскага базара".

Дыплом лаўрэата першай ступені атрымала прадстаўніца Італіі Марта, якая ўступіла Ганне Трубяцкой толькі 2 балы.

Дыплома другой ступені былі ўдастоены расіянка Nansi і канкурсантка з Балгарыі Дзімітрына Германава.

Замкнулі тройку прызёраў прадстаўніца Арменіі Марыя Ханданян і саліст з Кыргызстана Бек Ісраілаў.

Спецыяльны прыз "Славянская надзея" намеснік прэм'ер-міністра Беларусі і старшыня аргкамітэта фестывалю "Славянскі базар у Віцебску" Ігар Петрышэнка ўручыў вакалістцы Xon з Узбекістана.

Спецыяльнага прыза імя Уладзіміра Мулявіна за лепшае ўвасабленне нацыянальнай тэмы, высокае выканальніцкае майстэрства была ўдастоена Хрысціна Млінар (Боснія і Герцагавіна).

Канкурсант з Казахстана Kyle Ruh стаў уладальнікам спецыяльнага прыза ТРК "Мір" за высокае майстэрства ў захаванні нацыянальных традыцый.

Спецпрыз Парламенцкага сходу Саюза Беларусі і Расіі прысуджаны Ганне Трубяцкой і Nansi.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі