ДЗЯРЖОРГАНЫДЗЯРЖОРГАНЫ
Флаг Пятніца, 9 снежня 2022
Мінск -3°C
Усе навіны
Усе навіны
Культура
07 красавіка 2022, 13:28

Удзельніца фестывалю "ТэкСтыльны букет" нашы работы аб харастве і сіле прыроды

7 красавіка, Мінск /Кар. БЕЛТА/. У Нацыянальным цэнтры сучасных мастацтваў адбылося ўрачыстае адкрыццё IV Міжнароднага фестывалю дэкаратыўна-прыкладнога мастацтва "ТэкСтыльны букет". Пра свой вопыт удзелу ў праекце і прадстаўленыя работы расказала журналістам мастак па тэкстылі, старшы выкладчык Беларускай дзяржаўнай акадэміі мастацтваў, магістр мастацтвазнаўства Хрысціна Высоцкая, паведамляе карэспандэнт БЕЛТА.

"Удзельнічаю ўжо чацвёрты раз. Кожны год я выступаю ў якасці журы, таксама прымаю ўдзел у адборы работ, фарміраванні экспазіцый. Сёлета я яшчэ прадстаўляю два куратарскія праекты. Адзін з іх - гэта работы студэнтаў і выпускнікоў акадэміі мастацтваў. Гэта развагі пра хараство, неабароненасць і сілу прыроды, а таксама пра сучасныя экалагічныя праблемы", - расказала Хрысціна Высоцкая.

Работы адной з самых вядомых прадстаўніц маладога пакалення мастакоў, працуючых у напрамку мастацкага тэкстылю, прадстаўлены ў міжнародным праекце сучаснага мастацтва тэкстылю і мікс-медыя "Тут, там і паўсюль" - другім яе куратарскім праекце. "Ідэя праекта - паказаць, якім розным бывае сучаснае мастацтва тэкстылю, якой рознай бывае філасофія тканіны, валакна, ніткі. Тэкстыль - гэта не толькі матэрыял сам па сабе, як прынята лічыць. Ён можа быць адлюстраваны ў фатаграфіях, скульптуры, лічбавай графіцы, анімацыі. Вельмі шмат напрамкаў, у якіх мы можам яго ўбачыць", - адзначыла Хрысціна Высоцкая.

Мастак расказала, што яе работы выкананы ў напрамку тэкстыльнай скульптуры і інсталяцыі. "Галоўны мой твор "Душы лесу" нагадвае аб тым, што ў прыродзе ўсё жывое. Лес як месца памяці, што захоўвае гісторыю", - сказала яна. Скульптура мастачкі выканана ў канцэптуальным стылі з выкарыстаннем бавоўны, воўны і акрылу.

У праекце "Тут, там і паўсюль" акрамя тэкстыльных скульптур Хрысціны Высоцкай прадстаўлены габелены Мануэля Вандла (Аўстрыя), плоскасны аўтарскі тэкстыль Судэ Дадраса (Іран/ЗША), відэа-арт і лічбавы друк на тканіне твораў Стэфана SecretSpaces (Германія), серыі тэкстыльных фатаграфій Рахула Шармы (Індыя /ЗША).-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі