Мабільная версія
ДЗЯРЖОРГАНЫ

Апошнія навіны
Усе навіны

Удзельнікі вершамарафону на "Славянскім базары" 14,5 гадзіны чыталі вершы пра Віцебск

Культура 18.07.2016 | 12:17

18 ліпеня, Віцебск /Кацярына Князева - БЕЛТА/. На "Славянскім базары" 14 з палавінай гадзін чыталі вершы пра Віцебск - першы ўклад у Кнігу рэкордаў фестывалю адбыўся, паведаміла карэспандэнту БЕЛТА кіраўнік праекта "Фэст вулічнага мастацтва "На сямі вятрах" Уладзіслава Цвікі.

"Прадугледжвалася, што будзе 1 тыс. вершаў, але мы проста не паспявалі. Вершы чыталі без прыпынку 14 з палавінай гадзін. Калі вечарам пачаўся дождж, давялося пайсці з плошчы Пушкіна пад дах Арт-прасторы на Талстога, 7. Але нават 852 прачытаныя вершы - ужо рэкорд. Я кажу гэта з гонарам, таму што сталі падыходзіць людзі - пажылыя, маці з каляскамі - і далучаліся да акцыі. Няхай не ўсе вершы былі моцнымі з пункту гледжання паэзіі, але гэта было моцна з пункту гледжання асабістай пазіцыі", - адзначыла Уладзіслава Цвікі.

У вершамарафоне 17 ліпеня ўдзельнічалі як аўтары, так і проста аматары паэзіі. Былі і знакамітыя госці: расійскі музыкант і тэлевядучы Сяргей Шусціцкі, беларуская тэлевядучая Алена Спірыдовіч і дырэктар форуму мастацтваў, прэзідэнт Сусветнай асацыяцыі фестываляў (ВАФ) Аляксандр Сідарэнка. Задума акцыі ў тым, каб арганізаваць на фестывалі ўнікальнае мерапрыемства, у якім зможа прыняць удзел кожны.

Мерапрыемства здымалася на камеру, вялася прамая трансляцыя па абласным тэлеканале. "Яшчэ да фестывалю мы адправілі запыт у Кнігу рэкордаў Гінеса і даведаліся, што такога рэкорду і блізка няма. Ці будзем мы падаваць заяўку, я пакуль не ведаю. Але гэта падзея ўжо стала першай у Кнізе рэкордаў фестывалю "Славянскі базар у Віцебску". І мы зробім так, каб яна была не апошняй", - сказала на заканчэнне Уладзіслава Цвікі.-0-

Версія для друку
Навіны рубрыкі Культура
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Змяненне меж Мінска У мэтах развіцця тэрыторыі, што прылягае да Нацыянальнага аэрапорта Мінск, змяняюцца межы Мінска і Смалявіцкага раёна Мінскай вобласці.