ДЗЯРЖОРГАНЫДЗЯРЖОРГАНЫ
Флаг Нядзеля, 5 лютага 2023
Мінск Суцэльная воблачнасць -6°C
Усе навіны
Усе навіны
Культура
28 кастрычніка 2022, 10:14

У Віцебску адкрыецца выстаўка, прысвечаная 140-годдзю з дня нараджэння Якуба Коласа

Фота з архіва
Фота з архіва

28 кастрычніка, Віцебск /Алеся Пушнякова - БЕЛТА/. У Музеі гісторыі прыватнага калекцыяніравання сёння ў 16.00 адкрыецца выстаўка "Незабыўны вобраз песняра", прысвечаная 140-годдзю з дня нараджэння Якуба Коласа. Аб гэтым карэспандэнту БЕЛТА паведамілі ва ўстанове культуры.

Экспазіцыя, якую прадставяць у Віцебску, сабрана з фондаў Дзяржаўнага літаратурна-мемарыяльнага музея Якуба Коласа.

Пясняр беларускай зямлі, як называюць выдатнага прадстаўніка айчыннай літаратуры, нарадзіўся ў 1882 годзе. Паэт, празаік, драматург, крытык, публіцыст, перакладчык і адзін з заснавальнікаў беларускай літаратуры і беларускай мовы - граней яго таленту вельмі шмат, і ўсе яны зіхацяць цудоўным святлом любові да сваёй Радзімы. Шырокаму колу чытачоў найбольш вядомы яго вершы, паэмы, творы для дзяцей - "Новая зямля", "На ростанях", "Сымон-музыка", "Рыбакова хата", "Дрыгва" і іншыя.

У выставачны праект "Незабыўны вобраз песняра" ўвайшлі 22 прыжыццёвыя графічныя партрэты Якуба Коласа, выкананыя мастаком Сямёнам Герусам у першай палове 1950-х гадоў. У той час мастака часта адпраўлялі на розныя з'езды, пленумы, канферэнцыі, дзе ён перасякаўся з паэтам і рабіў эскізы партрэтаў, з якіх потым склалася цэлая серыя. Адзін з іх быў зроблены ў час хваробы Якуба Коласа.

Акрамя замалёвак у экспазіцыі можна будзе ўбачыць мемарыяльныя рэчы з дома паэта і яго сямейныя фотаздымкі. Выстаўку дапоўняць кнігі Якуба Коласа і партрэт класіка, напісаны Абрамам Бразерам у 1926 годзе, - з фондаў Віцебскага абласнога краязнаўчага музея.

Выставачны праект будзе працаваць у Віцебску да 21 снежня.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі