23 кастрычніка, Магілёў /Кар. БЕЛТА/. У Магілёўскім абласным мастацкім музеі імя П.В. Масленікава падвялі вынікі XXIX Міжнароднага пленэру па жывапісе "Вобраз Радзімы ў выяўленчым мастацтве", перадае карэспандэнт БЕЛТА.
У бягучым годзе асноўнай тэмай пленэру стала 80-годдзе Вялікай Перамогі. І гэта тэма знайшла сваё адлюстраванне ў работах мастакоў.
"Кожны год задаецца тэма пленэру: гэта можа быць знакавая дата ці падзея, яна можа быць прысвечана выдатнаму дзеячу мастацтваў. У гэтым годзе для нас асноўнай тэмай стала 80-годдзе Перамогі ў Вялікай Айчыннай вайне, - адзначыў дырэктар Магілёўскага абласнога краязнаўчага музея імя Е.Р. Раманава Яўген Белавусаў. - У бягучым годзе ўдзельнікамі пленэру сталі 15 мастакоў з краін СНД. І тэма Перамогі, тэма вайны ім таксама блізка. Таму што ў гэтых краінах таксама беражліва захоўваецца гістарычная памяць аб тых падзеях".
На палотнах мастакоў, расказвае ён, можна ўбачыць, акрамя іншага, памятныя мясціны рэгіёна, звязаныя з падзеямі Вялікай Айчыннай вайны. Таксама аўтары паказалі і мірнае жыццё.
Сярод тых, хто прадставіў свае работы, - Васіль Чатнеўцаў з Магілёўскай вобласці. Удзельнікам такой маштабнай творчай ініцыятывы ён стаў упершыню.
"Гэта вельмі цікавы вопыт, сустрэча з аднадумцамі і калегамі, магчымасць паглядзець работы розных мастакоў. Тым больш пленэр міжнародны, усе працуюць па-рознаму, у нас розныя культуры. Таму магчымасць папрацаваць у адзіным касцяку - гэта заўсёды карысна і цікава, - расказаў ён. - Я нарадзіўся ў Магілёўскай вобласці, у Магілёве вучыўся ў каледжы, можна сказаць, вырас тут, заўсёды з вялікай любоўю прыязджаю ў горад. Таму я з радасцю працаваў у сваіх родных месцах, дзе фарміраваўся пачатак майго творчага шляху".
Паўдзельнічаць у пленэры прыехала Юсіф Зарнішан з Баку. Дзяўчына падзялілася тым, што ў такіх міжнародных праектах удзельнічае не ўпершыню, а вось у Беларусі да гэтага не была. І наша краіна зрабіла на яе вялікае ўражанне: прырода, дабрыня беларусаў, прыгажосць мясцін, якія наведвалі. Акрамя работы над карцінамі, арганізатары далі ўдзельнікам магчымасць пранікнуцца культурай і гісторыяй Магілёўскай вобласці. І некаторыя куткі Прыдняпроўскага краю намаляваны на палотнах мастака.
"Мы былі ва Усакіне, дзе знаходзіцца комплекс партызанскай славы, на Буйніцкім полі. Гэтыя месцы я паказала ў сваёй рабоце, - расказвае яна. - Жыхары нашай краіны таксама ўдзельнічалі ў Вялікай Айчыннай вайне, але адрозненне з Беларуссю ў тым, што на нашай тэрыторыі не было актыўных баявых дзеянняў. Тут я адчула боль і адвагу магілёўскіх, беларускіх людзей. Яшчэ адну карціну я прысвяціла сучаснасці - гэта від з ратушы. Яркія дахі дамоў, вуліца - жыццё ідзе".
Яшчэ адна ўдзельніца пленэру - член Саюза чувашскіх мастакоў Наталля Нагорнова (Чэбаксары). Ад імя ўсіх мастакоў яна падзякавала арганізатарам за цёплы прыём на магілёўскай зямлі. "Гэты год для кожнага з нас вельмі значны - мы адзначаем 80-годдзе Перамогі. І кожны мастак у час пленэру ўклаў душу ў сваю работу. Усе работы атрымаліся эмацыянальнымі, таму што ўсе мастакі адлюстравалі праўду, праўду нашага жыцця, - адзначыла яна. - На пленэры я не толькі натхнілася і праявіла сваю творчасць, я атрымала магчымасць знайсці новых сяброў".
Па выніках пленэру сфарміраваны выставачны праект "Натхнёныя памяццю, ствараем будучыню". Азнаёміцца з работамі аўтараў можна ў Магілёўскім абласным мастацкім музеі імя П.В. Масленікава да 16 лістапада.-0-
У бягучым годзе асноўнай тэмай пленэру стала 80-годдзе Вялікай Перамогі. І гэта тэма знайшла сваё адлюстраванне ў работах мастакоў.
"Кожны год задаецца тэма пленэру: гэта можа быць знакавая дата ці падзея, яна можа быць прысвечана выдатнаму дзеячу мастацтваў. У гэтым годзе для нас асноўнай тэмай стала 80-годдзе Перамогі ў Вялікай Айчыннай вайне, - адзначыў дырэктар Магілёўскага абласнога краязнаўчага музея імя Е.Р. Раманава Яўген Белавусаў. - У бягучым годзе ўдзельнікамі пленэру сталі 15 мастакоў з краін СНД. І тэма Перамогі, тэма вайны ім таксама блізка. Таму што ў гэтых краінах таксама беражліва захоўваецца гістарычная памяць аб тых падзеях".
На палотнах мастакоў, расказвае ён, можна ўбачыць, акрамя іншага, памятныя мясціны рэгіёна, звязаныя з падзеямі Вялікай Айчыннай вайны. Таксама аўтары паказалі і мірнае жыццё.
Сярод тых, хто прадставіў свае работы, - Васіль Чатнеўцаў з Магілёўскай вобласці. Удзельнікам такой маштабнай творчай ініцыятывы ён стаў упершыню.
"Гэта вельмі цікавы вопыт, сустрэча з аднадумцамі і калегамі, магчымасць паглядзець работы розных мастакоў. Тым больш пленэр міжнародны, усе працуюць па-рознаму, у нас розныя культуры. Таму магчымасць папрацаваць у адзіным касцяку - гэта заўсёды карысна і цікава, - расказаў ён. - Я нарадзіўся ў Магілёўскай вобласці, у Магілёве вучыўся ў каледжы, можна сказаць, вырас тут, заўсёды з вялікай любоўю прыязджаю ў горад. Таму я з радасцю працаваў у сваіх родных месцах, дзе фарміраваўся пачатак майго творчага шляху".
Паўдзельнічаць у пленэры прыехала Юсіф Зарнішан з Баку. Дзяўчына падзялілася тым, што ў такіх міжнародных праектах удзельнічае не ўпершыню, а вось у Беларусі да гэтага не была. І наша краіна зрабіла на яе вялікае ўражанне: прырода, дабрыня беларусаў, прыгажосць мясцін, якія наведвалі. Акрамя работы над карцінамі, арганізатары далі ўдзельнікам магчымасць пранікнуцца культурай і гісторыяй Магілёўскай вобласці. І некаторыя куткі Прыдняпроўскага краю намаляваны на палотнах мастака.
"Мы былі ва Усакіне, дзе знаходзіцца комплекс партызанскай славы, на Буйніцкім полі. Гэтыя месцы я паказала ў сваёй рабоце, - расказвае яна. - Жыхары нашай краіны таксама ўдзельнічалі ў Вялікай Айчыннай вайне, але адрозненне з Беларуссю ў тым, што на нашай тэрыторыі не было актыўных баявых дзеянняў. Тут я адчула боль і адвагу магілёўскіх, беларускіх людзей. Яшчэ адну карціну я прысвяціла сучаснасці - гэта від з ратушы. Яркія дахі дамоў, вуліца - жыццё ідзе".
Яшчэ адна ўдзельніца пленэру - член Саюза чувашскіх мастакоў Наталля Нагорнова (Чэбаксары). Ад імя ўсіх мастакоў яна падзякавала арганізатарам за цёплы прыём на магілёўскай зямлі. "Гэты год для кожнага з нас вельмі значны - мы адзначаем 80-годдзе Перамогі. І кожны мастак у час пленэру ўклаў душу ў сваю работу. Усе работы атрымаліся эмацыянальнымі, таму што ўсе мастакі адлюстравалі праўду, праўду нашага жыцця, - адзначыла яна. - На пленэры я не толькі натхнілася і праявіла сваю творчасць, я атрымала магчымасць знайсці новых сяброў".
Па выніках пленэру сфарміраваны выставачны праект "Натхнёныя памяццю, ствараем будучыню". Азнаёміцца з работамі аўтараў можна ў Магілёўскім абласным мастацкім музеі імя П.В. Масленікава да 16 лістапада.-0-
Падпісвайцеся на нас у
