Мабільная версія
ДЗЯРЖОРГАНЫ

Апошнія навіны
Усе навіны

У Глыбокім прэзентавалі фотаальбом выдавецтва БЕЛТА

Культура 20.07.2018 | 18:57
Начальнік аддзела ідэалагічнай работы, культуры і па справах моладзі Глыбоцкага райвыканкама Людміла Карніловіч паказвае фотаальбом "Глыбокае з вышыні птушынага палёту"
Начальнік аддзела ідэалагічнай работы, культуры і па справах моладзі Глыбоцкага райвыканкама Людміла Карніловіч паказвае фотаальбом "Глыбокае з вышыні птушынага палёту"

20 ліпеня, Глыбокае /Андрэй Шчарбіцкі - БЕЛТА/. У Глыбокім прэзентавалі фотаальбом выдавецтва БЕЛТА, перадае карэспандэнт БЕЛТА.

У Год малой радзімы Беларускім тэлеграфным агенцтвам пры садзейнічанні Глыбоцкага райвыканкама падрыхтаваны і выдадзены альбом "Глыбокае з вышыні птушынага палёту". Кніга з дзясяткамі фатаграфій падзелена на тры тэматычныя блокі - "Любімы горад", "Проста жыццё" і "Па-за часам". У іх сабраны здымкі пра паўсядзённае жыццё жыхароў раёна з іх звычаямі, святамі, побытам, радасцямі і перажываннямі. Паказана дзейнасць мясцовых майстроў, музыкантаў, творчых калектываў. Асаблівая ўвага ўдзяляецца непаўторнаму хараству прыроды глыбоцкай зямлі. Альбом выйшаў у свет на трох мовах - беларускай, рускай і англійскай.

У гутарцы з карэспандэнтам БЕЛТА старшыня Глыбоцкага райвыканкама Алег Морхат падкрэсліў, што райцэнтр з кожным годам змяняецца, гэта адзначаюць і госці горада, таму важна занатаваць на памяць прыгажосць краю і тое, як ён развіваецца.

"Асаблівае хараство нашай зямлі адкрываецца, калі ты бачыш яе з вышыні птушынага палёту. Дзякуючы альбому такая магчымасць з'яўляецца ва ўсіх жадаючых. Радуе, што ў кнізе ўвага ўдзелена нашым простым і добразычлівым працаўнікам вёскі, людзям старэйшага пакалення, якія да нас працавалі на карысць краю. Альбом стане напамінам пра навакольнае хараство малой радзімы, якую трэба берагчы і прымнажаць", - сказаў Алег Морхат.

Выданне альбома "Глыбокае з вышыні птушынага палёту" не першы вынік супрацоўніцтва Глыбоцкага раёна і выдавецтва БЕЛТА - у 2014 годзе да 600-годдзя горада выйшлі ў свет кнігі "Глыбоччыны духоўнасці глыбіні" і "Глыбоччына. Ілюстраваны летапіс краю".

У Глыбокім гэтымі днямі шосты раз праходзіць "Вішнёвы фестываль". Увечары адбудзецца адкрыццё рэзідэнцыі Вішнёвай каралевы, галоўнай падзеяй суботняга дня стане ўрачыстае шэсце "У гасцях у Вішні". Запланаваны таксама агляд-конкурс падворкаў "Вішнёвы рай", урачыстая рэгістрацыя шлюбу "Вішнёвае вяселле", конкурс баяністаў, фінал конкурсу прыгажосці "Міс экстрым", гала-канцэрт і аўкцыён "Вішнёвы пірог".-0-

Фота Аляксандра Хітрова

Версія для друку
Навіны рубрыкі Культура
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Рэкамендацыі на выпадак НС Ратавальнікі рэкамендуюць загадзя выпрацаваць план рэагавання на НС. Гэта дапамагае не разгубіцца і не запанікаваць у экстраннай сітуацыі.