ДЗЯРЖОРГАНЫДЗЯРЖОРГАНЫ
Флаг Аўторак, 22 чэрвеня 2021
Мінск Ясна +25°C
Усе навіны
Усе навіны
Культура
14 мая 2021, 15:54

Тыдзень сучаснай беларускай драматургіі пройдзе ў РТБД 17-23 мая

Фота з архіва
Фота з архіва

14 мая, Мінск /Кар. БЕЛТА/. У Рэспубліканскім тэатры беларускай драматургіі з 17 па 23 мая пройдзе Тыдзень сучаснай беларускай драматургіі. Аб гэтым БЕЛТА паведамілі ва ўстанове культуры.

На працягу тыдня адбудуцца прэм'еры, спецыяльныя мерапрыемствы і любімыя спектаклі. "За гэтыя сем дзён наведвальнікі змогуць убачыць прэм'еру спектакля "Мяртвятнік" паводле новай п'есы Андрэя Іванова, тэатралізаванае чытанне п'есы "Дабрабыт" Марыі Бяльковіч і ўнікальны праект Цэнтра беларускай драматургіі - "Антрапалогія межаў". На ім будуць прадстаўлены сучасныя беларускія п'есы, напісаныя на мінулагодняй міжнароднай драматургічнай лабараторыі. У час гэтага мерапрыемства госці змогуць таксама паўдзельнічаць у драматургічнай інсталяцыі і абмеркаваць п'есы", - расказалі арганізатары.

Пройдуць таксама паказы спектакляў "Сірожа" паводле п'есы Юліі Чарняўскай (прыз за лепшую рэжысуру на VII Рэспубліканскім фестывалі нацыянальнай драматургіі імя В.І. Дуніна-Марцінкевіча), "Гэта ўсё яна" (прыз на міжнародным фестывалі ў Авіньёне), "Ціхі шэпат сыходзячых крокаў" паводле п'есы Дзмітрыя Багаслаўскага і "Кар'ера доктара Рауса" паводле п'есы Віктара Марціновіча.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі