19 кастрычніка, Мінск /Кар. БЕЛТА/. Тыдзень моды Belarus Fashion Week пройдзе з 7 па 11 лістапада на пляцоўцы НВЦ "Белэкспа", паведамілі БЕЛТА ў прэс-цэнтры мерапрыемства.
Мэта Belarus Fashion Week - папулярызаваць беларускіх вытворцаў дызайнерскага адзення на модным рынку як у Беларусі, так і за мяжой. На Тыдні моды будуць дэманстравацца толькі новыя калекцыі сезона вясна-лета - 2019 ад вядучых брэндаў краіны. Традыцыйна праграму форуму дапоўняць паказы лепшых калекцый дзіцячага дызайнерскага адзення.
Будзе прадстаўлены сумесны праект Беларускай палаты моды з Беларускай асацыяцыяй дапамогі дзецям-інвалідам і маладым інвалідам "Новыя магчымасці". Ён прызначаны даць шанц людзям з інваліднасцю праявіць сябе ў сферы моды: на працягу некалькіх месяцаў яны былі ўключаны ва ўсе этапы стварэння вобразаў сумеснай калекцыі сезона вясна-лета - 2019 - ад ідэі да пашыву і прэзентацыі. Калекцыя выканана з выкарыстаннем ручной вышыўкі.
Прэзентуюць таксама калекцыі дызайнераў, якія працуюць з этнічнай тэмай і ствараюць вырабы з беларускага лёну.-0-
