Сцяг Субота, 20 ліпеня 2024
Усе навіны
Усе навіны
Культура
23 лютага 2023, 09:03

Творчыя сустрэчы і майстар-класы. Міжнародны фестываль харавой музыкі пройдзе ў Мінску

23 лютага, Мінск /Кар. БЕЛТА/. Фестываль харавой музыкі "Хорам адзіныя" пройдзе 24-26 лютага ў Мінску. Такая інфармацыя размешчана на сайце Беларускай асацыяцыі харавых дырыжораў, паведамляе БЕЛТА.

Ужо 4-ы раз Беларускі саюз музычных дзеячаў і Беларуская асацыяцыя харавых дырыжораў аб'яднаюць харавыя калектывы з розных абласцей Беларусі для сумесных спеваў. Да харавога свята далучацца калегі з Магілёва і Масквы.

У ходзе фестывалю пройдуць творчыя сустрэчы і майстар-класы. У прыватнасці, запланаваны майстар-клас заслужанай артысткі РФ, лаўрэата прэмій прэзідэнта РФ, урада РФ і мэрыі Масквы Таццяны Жданавай і хору "Адраджэнне" ўстановы дадатковай адукацыі Масквы "Цэнтр творчага развіцця і музычна-эстэтычнай адукацыі дзяцей і юнацтва "Радасць".

Яркім завяршэннем творчага ўік-энду стане 4-ы канцэрт цыкла "Харавыя легенды" ў Беларускай дзяржаўнай філармоніі. У праграме прагучаць хоры з опер П.Чайкоўскага, А.Барадзіна, творы С.Пракоф'ева, В.Калістратава, І.Лучанка. Унікальным нумарам канцэрта стане выкананне "Кароткай месы" Леа Дэліба ўзорным хорам Tutti дзіцячай музычнай школы мастацтваў нумар 8 імя Р.Шырмы і дзіцячым хорам "Аўрора" (Масква) пад кіраўніцтвам Настассі Бяляевай і Ігара Алоўнікава (арган).-0-

Падпісвайцеся на нас у
Twitter
Топ-навіны
Свежыя навіны Беларусі