ДЗЯРЖОРГАНЫДЗЯРЖОРГАНЫ
Флаг Субота, 26 лістапада 2022
Мінск -4°C
Усе навіны
Усе навіны
Культура
05 кастрычніка 2022, 09:41

Творчую спадчыну савецкага кампазітара Марка Мінкова прадставяць у Віцебскай абласной філармоніі

Фота з архіва
Фота з архіва

5 верасня, Віцебск /Алеся Пушнякова - БЕЛТА/. Трэці цыкл лекцый праекта Ad libitum, які праходзіць у Віцебскай абласной філармоніі, будзе прысвечаны "Мастацтву XX стагоддзя ў асобах". Аб гэтым карэспандэнту БЕЛТА паведамілі ва ўстанове культуры.

Першай выдатнай фігурай у свеце музыкі ў лекцыйным цыкле стане савецкі кампазітар, аўтар оперы, балета, араторыі, музыкі да спектакляў, фартэпіянных і струнных канцэртаў, вакальных цыклаў Марк Мінкоў.

Ён быў адным з лепшых кампазітараў сваёй эпохі і праславіўся творамі, якія прагучалі ў вядомых савецкіх кінафільмах. Сярод найбольш вядомых можна пералічыць саўндтрэкі да кінастужак "Следства вядуць знатакі", "Нязнайка з нашага двара", "Прыгоды маленькага Мука" і інш. Усяго ў больш як 60 фільмах прагучала музыка гэтага аўтара - лаўрэата ўсесаюзных і міжнародных конкурсаў кампазітараў. За многія гады плённай працы і ўклад у мастацтва ён быў удастоены многіх прэстыжных прэмій і ўзнагарод. Марк Мінкоў быў прэзідэнтам Гільдыі кампазітараў кіно, што зусім не дзіўна, улічваючы яго вялікую работу ў гэтай галіне мастацтва. Ён таксама быў членам расійскай кінаакадэміі "Ніка", Саюза кампазітараў, Саюза кінематаграфістаў.

Артысты абласной філармоніі не толькі прачытаюць наведвальнікам лекцыі аб творчасці і заслугах кампазітара, але і дапамогуць глыбей пранікнуць у яго сакрэты стварэння музыкі. Выканаўцы Таццяна Шахрай (фартэпіяна), Алена Паўленкава (сапрана) і вакалісткі Марына Гоман і Джуліета Тарахчан прадставяць самыя вядомыя творы аўтара, якія падабаюцца кінагледачам.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі