ДЗЯРЖОРГАНЫДЗЯРЖОРГАНЫ
Флаг Панядзелак, 21 чэрвеня 2021
Мінск Воблачна з праясненнямі +24°C
Усе навіны
Усе навіны
Культура
22 сакавіка 2021, 12:31

Тэатральны тыдзень пачаўся ў Магілёве

У час паказу
У час паказу

22 сакавіка, Магілёў /Кар. БЕЛТА/. Тэатральны тыдзень "M.@rt.кантакт.by" па старонках Міжнароднага маладзёжнага тэатральнага М.@rt.кантакт пачалася ў Магілёве. Першым спектаклем стала пастаноўка Магілёўскага абласнога тэатра драмы і камедыі імя В.І.Дуніна-Марцінкевіча (Бабруйск) “Кропкі на часавай восі”, перадае карэспандэнт БЕЛТА.

“Ужо другі год мы зведваем пэўныя цяжкасці ў арганізацыі фестывалю. З-за пандэміі ў мінулым годзе мы вымушаны былі адмяніць тэатральны фестываль, бо ў ім павінны былі прымаць удзел тэатры з іншых краін. З 2006 года ў нашым фестывалі прынялі ўдзел калектывы з 22 краін. За гэты час было паказана 237 тэатральных пастановак, - адзначыў начальнік упраўлення культуры Магілёўскага аблвыканкама Алег Стальмашок у час урачыстага адкрыцця. - У гэтым годзе Магілёўскі аблвыканкам і адміністрацыя Магілёўскага абласнога драматычнага тэатра прынялі рашэнне падтрымаць добрую тэатральную традыцыю і даць магчымасць магілёўскім гледачам паглядзець пастаноўкі беларускіх тэатраў”.

Як адзначыў Алег Стальмашок, на працягу тыдня на сцэнах Магілёўскага драмтэатра свае пастаноўкі прадставяць калектывы з усіх куткоў Беларусі і трох абласных тэатраў Магілёўскай вобласці. “Усе гэтыя калектывы - пастаянныя ўдзельнікі нашага тэатральнага фестывалю. Прыемна, што на працягу тыдня яны будуць дарыць сваю творчасць нашым гледачам”, - адзначыў начальнік упраўлення культуры аблвыканкама.

На тэатральны тыдзень у Магілёў з'ехаліся творчыя калектывы, вядомыя ў Беларусі і за мяжой: Рэспубліканскі тэатр беларускай драматургіі (Мінск), Брэсцкі акадэмічны тэатр драмы імя Ленінскага камсамола Беларусі, Нацыянальны акадэмічны драматычны тэатр імя Я.Коласа (Віцебск), Гомельскі гарадскі маладзёжны тэатр і тры тэатры з Магілёўскага рэгіёна: Магілёўскі абласны драматычны тэатр, Магілёўскі абласны тэатр лялек, Магілёўскі абласны тэатр драмы і камедыі імя В.І.Дуніна-Марцінкевіча (Бабруйск).

21 сакавіка прайшоў паказ Магілёўскага абласнога тэатра драмы і камедыі імя В.І.Дуніна-Марцінкевіча. 22 сакавіка Рэспубліканскі тэатр беларускай драматургіі пакажа спектакль “Шлюб з ветрам”. 23 сакавіка Брэсцкі акадэмічны тэатр драмы імя Ленінскага камсамола Беларусі прадставіць на асноўнай сцэне пастаноўку “Мяшчанскае вяселле”. У той жа дзень пройдзе паказ спектакля “Лілічка” Магілёўскага абласнога драматычнага тэатра на малой сцэне ўстановы культуры.

На наступны дзень гледачоў будзе чакаць пастаноўка Нацыянальнага акадэмічнага драматычнага тэатра імя Я.Коласа “Метро”. 25 сакавіка адбудзецца паказ спектакля “Сіняя-сіняя” Магілёўскага абласнога тэатра лялек. Гомельскі гарадскі маладзёжны тэатр 26 сакавіка прадставіць пастаноўку “Дзядзька Ваня”. Закрые тэатральны тыдзень пастаноўка “Бяда ад пяшчотнага сэрца” Магілёўскага абласнога драмтэатра 27 сакавіка.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі