ДЗЯРЖОРГАНЫДЗЯРЖОРГАНЫ
Флаг Субота, 16 кастрычніка 2021
Мінск Пераменная воблачнасць +8°C
Усе навіны
Усе навіны
Культура
19 мая 2021, 11:14

Тэатралізаваную экскурсію і выступленні рыцараў падрыхтавалі ў музеі-запаведніку "Нясвіж"

Фота з архіва
Фота з архіва

19 мая, Мінск /Кар. БЕЛТА/. Фестываль "Радзівіліяда" правядуць у нацыянальным гісторыка-культурным музеі-запаведніку "Нясвіж" 22 мая. Аб гэтым карэспандэнту БЕЛТА расказала спецыяліст па арганізацыі мерапрыемстваў і рэкламе НГКМЗ "Нясвіж" Марына Цішчанка.

"Падрыхтавалі цікавую праграму, якая пройдзе як у залах палаца, так і ва ўнутраным дворыку. На вуліцы адбудзецца фестываль, прысвечаны культуры, воінскім традыцыям і музыцы XVI-XVIII стагоддзяў. Гасцей чакаюць выступленні музычных і тэатральных калектываў, майстар-класы па танцах і гістарычным фехтаванні, паказальныя паядынкі, дэманстрацыя тактыкі бою і манеўры атрадаў, стылізаваны рынак рамеснікаў. Кульмінацыяй свята стане рэканструкцыя эпізодаў ваенных кампаній", - расказала Марына Цішчанка.

Паралельна фестывалю анімацыйную праграму арганізуюць і ў палацы. Наведвальнікі музея пройдуць па Каміннай, Залатой, Гетманскай, Паляўнічай залах, у якіх тэатралізаваныя экскурсіі правядуць "уладальнікі" Нясвіжа з розных гістарычных эпох. Напрыклад, Мікалай Хрыстафор Радзівіл Сіротка раскажа пра сваё падарожжа на Святую Зямлю, а Пане Каханку павесяліць неверагоднымі гісторыямі.

Завершыцца праграма вогненна-піратэхнічным шоу.

Мерапрыемства правядуць пры падтрымцы Еўрапейскага саюза і яго міжнароднага праекта "Захаванне і адаптацыя спадчыны князёў Радзівілаў для развіцця турызму ў Кедайняй і Нясвіжы".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі