ДЗЯРЖОРГАНЫДЗЯРЖОРГАНЫ
Серада, 19 лютага 2020
Мінск Суцэльная воблачнасць +4°C
Усе навіны
Усе навіны
Культура
17 студзеня 2020, 10:40

Танцавальныя пары з 20 краін свету прыедуць на "Віцебскую сняжынку"

17 студзеня, Віцебск /Андрэй Шчарбіцкі - БЕЛТА/. XXXV Міжнародныя спаборніцтвы па танцавальным спорце "Віцебская сняжынка" пройдуць 18-19 студзеня ў канцэртнай зале "Віцебск". Квікстэп, вальс, танга і джайв - на працягу двухдзённага марафону танцоры будуць у запальным рытме змагацца за званне лепшых, паведамілі БЕЛТА ў Цэнтры культуры "Віцебск".

У цяперашнім турніры прымуць удзел танцавальныя пары з 20 краін свету. Сярод іх Аўстрыя, Азербайджан, Германія, Грузія, Беларусь, Ізраіль, Італія, Кіпр, Сан-Марына, Узбекістан, Украіна, Філіпіны. "Конкурс пройдзе сярод пар розных узроставых катэгорый - "Дзеці-1", "Дзеці-2", "Юніёры-1", "Юніёры-2", "Моладзь-1", "Моладзь-2", "Дарослыя" і "Сеньёры". Традыцыйна ўдзельнікі прадэманструюць сваё майстэрства ў еўрапейскай і лацінаамерыканскай праграмах", - адзначылі ў Цэнтры культуры.

З паказальнай праграмай выступяць фіналісты чэмпіянату Еўропы і свету па танцавальным спорце ў лацінаамерыканскай праграме.

"Віцебская сняжынка" - прэстыжнае міжнароднае спаборніцтва, старэйшы турнір у Беларусі. Гэта спаборніцтвы з гарантаванымі паказчыкамі якасці правядзення і высокім узроўнем удзельнікаў, бо ў турніры заяўлены вядучыя танцавальныя пары свету, якія ўваходзяць у топ-50 сусветнага рэйтынгу.

Арганізатарамі спаборніцтваў выступаюць Сусветная федэрацыя танцавальнага спорту (World Dance Sport Federation), Міністэрства спорту і турызму, Беларускі альянс танцавальнага спорту, Віцебская абласная федэрацыя танцавальнага спорту, Цэнтр культуры "Віцебск" і клуб спартыўнага танца "Фэст".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі