Мабільная версія
II Еўрапейскія гульні
ДЗЯРЖОРГАНЫ

Апошнія навіны
Усе навіны

Таленавітую і адораную моладзь будуць ушаноўваць у акадэміі музыкі 3 чэрвеня

Культура 31.05.2019 | 17:18
Фота з архіва
Фота з архіва

31 мая, Мінск /Кар. БЕЛТА/. Лаўрэатаў і стыпендыятаў спецыяльных фондаў Прэзідэнта Беларусі па падтрымцы адораных вучняў і студэнтаў, таленавітай моладзі за 2018 год будуць ушаноўваць у Беларускай дзяржаўнай акадэміі музыкі 3 чэрвеня, паведамілі БЕЛТА ў Міністэрстве культуры.

Чакаецца, што ў цырымоніі ўзнагароджвання прымуць удзел намеснік прэм'ер-міністра Ігар Петрышэнка, міністр культуры Юрый Бондар і міністр адукацыі Ігар Карпенка. Ганаровымі гасцямі мерапрыемства стануць цяпер дзеючыя прадстаўнікі спецыяльных фондаў і старшыні, якія ўзначальвалі саветы фондаў у розныя гады, лаўрэаты фондаў, якія адбыліся ў прафесіі, а таксама педагогі, што ўнеслі асаблівы ўклад у развіццё таленавітай і адоранай моладзі.

Будзе арганізавана выстава, на якой будуць прадстаўлены творы выяўленчага мастацтва выкладчыкаў і студэнтаў Беларускай дзяржаўнай акадэміі мастатваў, Беларускага дзяржаўнага ўніверсітэта культуры і мастацтваў і Мінскага дзяржаўнага мастацкага каледжа імя А.К.Глебава. Сярод аўтараў работ - лаўрэаты спецыяльнага фонду Прэзідэнта Беларусі па падтрымцы таленавітай моладзі Карына Шайтар, Настасся Чачура, Фёдар Шурмялёў, Настасся Хлус, Аляксандра Лагвіна, Вольга Старажэнка, Лія Ганчарук, расказалі ў міністэрстве. Акрамя таго, навучэнцы прадставяць на выставе свае дасягненні і ўзнагароды ў галіне навукова-тэхнічнай творчасці.

Юныя таленты, яркія прадстаўнікі новага пакалення беларускай культуры выступяць з канцэртам. На сцэну выйдуць Уладзіслаў Хандогій, Іван Зданюк, Іван Майсеня, Ніка Скрабкова, Нікан Мазаль, Ксенія Галецкая, Яўген Курчыч, студэнты кафедры харэаграфіі Беларускага дзяржаўнага ўніверсітэта культуры і мастацтваў і інш.-0-

Версія для друку
Навіны рубрыкі Культура
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Бяспечныя паводзіны ў час масавых мерапрыемстваў Калі вы апынуліся ў агрэсіўным або напалоханым натоўпе