Мабільная версія
ДЗЯРЖОРГАНЫ

Апошнія навіны
ІНФАГРАФІКА: Машынабудаванне Беларусі
18 Кастрычнік, 18:52 Стужка навiн
Лукашэнка: ганаруся беларускай моладдзю
18 Кастрычнік, 15:49 Прэзідэнт
Усе навіны

Свята "Бразгун" пройдзе 13 ліпеня ў Чэрыкаўскім раёне

Культура 09.07.2019 | 11:18
Фота з архіва
Фота з архіва

9 ліпеня, Магілёў /Сяргей Кулягін - БЕЛТА/. У Чэрыкаўскім раёне ля крыніцы каля вёскі Наркі 13 ліпеня пройдзе свята "Бразгун", паведамілі БЕЛТА ў Чэрыкаўскім райвыканкаме.

Абрад "Бразгун" і яго састаўны элемент - шанаванне абраза Святых апосталаў Пятра і Паўла - з'яўляецца традыцыйным і ўнесены ў дзяржаўны спіс аб'ектаў гісторыка-культурных каштоўнасцей Беларусі.

У гэты дзень на лясной паляне збяруцца паломнікі і госці, якія прыедуць памаліцца перад абразом, пажадаць сабе і блізкім здароўя, шчасця, дабрабыту, набраць вады з жыватворнай крыніцы, акунуцца ў купелі. Абрад завяршаецца святочным застоллем і малітвай перад абразом, гэта павінна спрыяць дабрабыту і спакою ў вёсцы.

На адкрытай канцэртнай пляцоўцы каля жыватворнай крыніцы таксама адбудзецца рэгіянальны конкурс ансамбляў фальклорнай і народнай песні "З веку ў век". У ім прымуць удзел творчыя калектывы з розных раёнаў Магілёўскай вобласці.

Згодна з легендай, шмат стагоддзяў таму ў гэтых мясцінах была моцная засуха. Людзі ў вёсцы Наркі вераць, што ў адказ на малітвы ў лесе з'явілася крыніца. Вада настолькі моцна лілася з-пад зямлі, што яе бразганне разносілася за некалькі кіламетраў. За гэта і назвалі крыніцу Бразгуном. Гэты цуд адбыўся ў дні памяці святых апосталаў Пятра і Паўла. Мясцовыя жыхары ўзялі на сябе аброк: сабралі грошы, купілі абраз Пятра і Паўла і перадавалі яго з дома ў дом. Тая сям'я, што захоўвала абраз да наступнага свята, даглядала і крыніцу.

Традыцыя ўшаноўвання святога абраза Пятра і Паўла і цудатворнай крыніцы жыве і цяпер. Гэты абраз, якім даражаць і аберагаюць вяскоўцы і цяпер, з'яўляецца аброчным абразом вёскі Наркі. Ён ёсць практычна ў кожным вясковым доме, а гэта, паводле павер'я, спрыяе дабрабыту і здароўю ўсіх членаў сям'і.-0-

Версія для друку
Навіны рубрыкі Культура
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Машынабудаванне Беларусі Машынабудаўнічы комплекс Беларусі прадстаўляюць каля 250 вялікіх і сярэдніх арганізацый, у якіх працуюць 192 тыс. чалавек.