5 красавіка, Гомель /Кар. БЕЛТА/. Канцэрт "Сусвет Дунаеўскага" пройдзе 7 красавіка ў Гомельскім абласным драмтэатры, паведамілі БЕЛТА ў дзяржаўнай установе "Гомельскія гарадскія аркестры".
Канцэртная праграма прысвечана творчасці аднаго з савецкіх кампазітараў, імя якога залатымі літарамі занесена ў гісторыю айчыннага кінематографа. "Музыка Ісаака Дунаеўскага настолькі каларытная і разнастайная, што ад яе можна атрымліваць асалоду ў любым настроі. Атрымаўшы строгую класічную адукацыю, кампазітар праславіўся дзякуючы цудоўным сачыненням для больш лёгкага акадэмічнага жанру - аперэты, ну і, вядома ж, кінамузыцы", - расказалі арганізатары.
Са сцэны Гомельскага абласнога драмтэатра прагучаць вядомыя і любімыя многімі па кінастужках мінулых гадоў кампазіцыі. У кожнага аматара савецкага кіно на слыху саўндтрэкі з фільмаў "Дзеці капітана Гранта", Тры таварышы", "Цырк", "Выпрабаванне вернасці", "Волга-Волга" і многія іншыя.
У музычнай палітры вечара - палымяныя и каларытныя "Выхадны марш", Полька" і "Яўрэйская танцавальная мелодыя", меланхалічныя "Лірычны вальс" і "Успамін", а таксама шмат іншых запамінальных нумароў.
Шэдэўры савецкага кінематографа і аперэты выканае сімфанічны аркестр пад кіраўніцтвам галоўнага дырыжора Мурада Асуіла.
Арганізатары абяцаюць насычаны і запамінальны вечар. Пачатак канцэрта ў 18.30.-0-
