9 студзеня, Брэст /Кар. БЕЛТА/. У Брэсце адбылося ўрачыстае адкрыццё XXXVI Міжнароднага фестывалю класічнай музыкі "Студзеньскія музычныя вечары". Цырымонія прайшла ў Брэсцкім акадэмічным тэатры драмы, перадае карэспандэнт БЕЛТА.
Удзельнікаў павітаў старшыня Брэсцкага гарвыканкама Сяргей Лабадзінскі. "Вельмі прыемна, што ў Брэсце дадзены старт міжнароднаму фестывалю "Студзеньскія музычныя вечары", ён ужо 36-ы па ліку. Цяпер за акном снег, сапраўды студзеньскі вечар, калі хочацца ўтульна размясціцца ў крэсле, паслухаць самае запаветнае ў тых нотах, якія мы сёння пачуем", - сказаў мэр. Ён выказаў словы ўдзячнасці нязменнаму кіраўніку "Студзеньскіх музычных вечароў" заслужанаму дзеячу мастацтваў, ганароваму грамадзяніну Брэста Ліліі Батыравай.
Музычны форум праходзіць з 9 па 12 студзеня. У ім прымаюць удзел выканаўцы з Беларусі, Грузіі, Арменіі, Сірыі, Кітая і Расіі. На сцэне выступяць як музыканты, якія палюбіліся ўжо брэсцкай публіцы, так і навічкі.
Беларусь прадстаўлена калектывамі і салістамі. У дзень адкрыцця перад публікай выступіў узорна-паказальны аркестр Узброеных Сіл Рэспублікі Беларусь. У фестывальныя дні сваім майстэрствам парадуюць сімфанічны аркестр Маладзечанскага музычнага каледжа імя М.К. Агінскага, аркестр беларускіх народных інструментаў Брэсцкага музычнага каледжа імя Рыгора Шырмы, Брэсцкі гарадскі духавы аркестр.
У фестывальнай афішы - вядомыя імёны, яркія канцэрты, аперэта "Лятучая мыш", калядны баль. Таксама будзе праведзены дабрачынны канцэрт для медыцынскіх работнікаў у Брэсцкім музычным каледжы.
За гады існавання "Студзеньскія музычныя вечары" сталі культурным брэндам Брэста. За гэты час у фестывалі прынялі ўдзел прадстаўнікі больш як 40 краін, на ім вырасла некалькі пакаленняў аматараў мастацтва. "Цяпер рэпертуар пашырыўся. Гучыць не толькі класічная музыка, прадстаўлены розныя музычныя жанры. Многія, пабываўшы на канцэртах "Студзеньскіх музычных вечароў", потым вырашылі звязаць сваё жыццё з мастацтвам", - адзначыла начальнік аддзела культуры Брэсцкага гарвыканкама Святлана Сямашка.
Арганізатарамі міжнароднага фестывалю класічнай музыкі выступаюць Міністэрства культуры, Брэсцкія абласны і гарадскі выканкамы, Беларускі саюз музычных дзеячаў і Брэсцкае абласное музычнае таварыства.-0-
Удзельнікаў павітаў старшыня Брэсцкага гарвыканкама Сяргей Лабадзінскі. "Вельмі прыемна, што ў Брэсце дадзены старт міжнароднаму фестывалю "Студзеньскія музычныя вечары", ён ужо 36-ы па ліку. Цяпер за акном снег, сапраўды студзеньскі вечар, калі хочацца ўтульна размясціцца ў крэсле, паслухаць самае запаветнае ў тых нотах, якія мы сёння пачуем", - сказаў мэр. Ён выказаў словы ўдзячнасці нязменнаму кіраўніку "Студзеньскіх музычных вечароў" заслужанаму дзеячу мастацтваў, ганароваму грамадзяніну Брэста Ліліі Батыравай.
Музычны форум праходзіць з 9 па 12 студзеня. У ім прымаюць удзел выканаўцы з Беларусі, Грузіі, Арменіі, Сірыі, Кітая і Расіі. На сцэне выступяць як музыканты, якія палюбіліся ўжо брэсцкай публіцы, так і навічкі.
Беларусь прадстаўлена калектывамі і салістамі. У дзень адкрыцця перад публікай выступіў узорна-паказальны аркестр Узброеных Сіл Рэспублікі Беларусь. У фестывальныя дні сваім майстэрствам парадуюць сімфанічны аркестр Маладзечанскага музычнага каледжа імя М.К. Агінскага, аркестр беларускіх народных інструментаў Брэсцкага музычнага каледжа імя Рыгора Шырмы, Брэсцкі гарадскі духавы аркестр.
У фестывальнай афішы - вядомыя імёны, яркія канцэрты, аперэта "Лятучая мыш", калядны баль. Таксама будзе праведзены дабрачынны канцэрт для медыцынскіх работнікаў у Брэсцкім музычным каледжы.
За гады існавання "Студзеньскія музычныя вечары" сталі культурным брэндам Брэста. За гэты час у фестывалі прынялі ўдзел прадстаўнікі больш як 40 краін, на ім вырасла некалькі пакаленняў аматараў мастацтва. "Цяпер рэпертуар пашырыўся. Гучыць не толькі класічная музыка, прадстаўлены розныя музычныя жанры. Многія, пабываўшы на канцэртах "Студзеньскіх музычных вечароў", потым вырашылі звязаць сваё жыццё з мастацтвам", - адзначыла начальнік аддзела культуры Брэсцкага гарвыканкама Святлана Сямашка.
Арганізатарамі міжнароднага фестывалю класічнай музыкі выступаюць Міністэрства культуры, Брэсцкія абласны і гарадскі выканкамы, Беларускі саюз музычных дзеячаў і Брэсцкае абласное музычнае таварыства.-0-
