Фота з архіва
22 мая, Мінск /Кар. БЕЛТА/. Беларуская дзяржаўная акадэмія музыкі рыхтуе новы праект, у якім аб'яднае ў адным аркестры студэнтаў Акадэміі музыкі і навучэнцаў музычных каледжаў з усёй краіны. Аб гэтым расказала рэктар БДАМ Алена Куракіна перад заключным гала-канцэртам прафарыентацыйнага адукацыйна-творчага праекта "Маладзёжны музычны мост", перадае карэспандэнт БЕЛТА.
Новы цікавы праект будзе рэалізаваны акадэміяй у жніўні. "Мы плануем сабраць зводны маладзёжны аркестр баяністаў і акардэаністаў, які аб'яднае студэнтаў Акадэміі музыкі і навучэнцаў музычных каледжаў з усёй краіны", - сказала Алена Куракіна.
Рэктар падкрэсліла, што ў дату 80-годдзя Перамогі нельга не ўдзяліць увагу інструментам, якія сталі голасам Перамогі. "Баян і акардэон - тыя інструменты, якія натхнялі нашых прадзедаў і падтрымлівалі дух байцоў. Таму мы вырашылі, што ў гэты год менавіта такі праект будзе асабліва значны", - дадала яна.
У баку ад гэтай тэмы БДАМ не можа застацца і таму, што акадэмія з'яўляецца адзінай ВНУ сферы культуры, якая была арганізавана да вайны. "22 чэрвеня 1941 года ў кансерваторыі здаваўся дзяржэкзамен. У момант дзяржэкзамену прыйшло паведамленне аб пачатку вайны, і экзамен не спынілі. Ён завяршыўся толькі тады, калі закончыў адказваць апошні выпускнік. Ужо 23 чэрвеня ім выдалі дыпломы. А 28 чэрвеня, калі быў акупіраваны Мінск, ужо выйшаў загад аб стварэнні франтавых канцэртных брыгад, і галоўным там быў дырэктар кансерваторыі Міхаіл Аркадзьевіч Бергер. Таму Перамога ў Вялікай Айчыннай вайне ў тым ліку кавалася рукамі беларускіх музыкантаў. Нехта пайшоў дабравольцам на фронт, нехта быў у франтавых брыгадах, вельмі многія пайшлі ў партызанскія атрады. Тыя, хто быў эвакуіраваны, кожны дзень перажывалі за сваіх калег і стараліся рабіць усё, каб Перамога стала як мага бліжэй", - расказала Алена Куракіна.
Яна таксама падкрэсліла, што сёння моладзь разумее ўсю адказнасць за захаванне памяці і з вялікім задавальненнем прымае ўдзел у падобных праектах. "З кожным годам наша моладзь становіцца ўсё лепш і лепш. Яна іншая, але я бачу, як на добрую глебу падае насенне, звязанае з ідэямі сапраўднага патрыятызму і перадачы гістарычнай памяці. І я спакойна за нашу будучыню", - рэзюмавала рэктар.-0-
Новы цікавы праект будзе рэалізаваны акадэміяй у жніўні. "Мы плануем сабраць зводны маладзёжны аркестр баяністаў і акардэаністаў, які аб'яднае студэнтаў Акадэміі музыкі і навучэнцаў музычных каледжаў з усёй краіны", - сказала Алена Куракіна.
Рэктар падкрэсліла, што ў дату 80-годдзя Перамогі нельга не ўдзяліць увагу інструментам, якія сталі голасам Перамогі. "Баян і акардэон - тыя інструменты, якія натхнялі нашых прадзедаў і падтрымлівалі дух байцоў. Таму мы вырашылі, што ў гэты год менавіта такі праект будзе асабліва значны", - дадала яна.
У баку ад гэтай тэмы БДАМ не можа застацца і таму, што акадэмія з'яўляецца адзінай ВНУ сферы культуры, якая была арганізавана да вайны. "22 чэрвеня 1941 года ў кансерваторыі здаваўся дзяржэкзамен. У момант дзяржэкзамену прыйшло паведамленне аб пачатку вайны, і экзамен не спынілі. Ён завяршыўся толькі тады, калі закончыў адказваць апошні выпускнік. Ужо 23 чэрвеня ім выдалі дыпломы. А 28 чэрвеня, калі быў акупіраваны Мінск, ужо выйшаў загад аб стварэнні франтавых канцэртных брыгад, і галоўным там быў дырэктар кансерваторыі Міхаіл Аркадзьевіч Бергер. Таму Перамога ў Вялікай Айчыннай вайне ў тым ліку кавалася рукамі беларускіх музыкантаў. Нехта пайшоў дабравольцам на фронт, нехта быў у франтавых брыгадах, вельмі многія пайшлі ў партызанскія атрады. Тыя, хто быў эвакуіраваны, кожны дзень перажывалі за сваіх калег і стараліся рабіць усё, каб Перамога стала як мага бліжэй", - расказала Алена Куракіна.
Яна таксама падкрэсліла, што сёння моладзь разумее ўсю адказнасць за захаванне памяці і з вялікім задавальненнем прымае ўдзел у падобных праектах. "З кожным годам наша моладзь становіцца ўсё лепш і лепш. Яна іншая, але я бачу, як на добрую глебу падае насенне, звязанае з ідэямі сапраўднага патрыятызму і перадачы гістарычнай памяці. І я спакойна за нашу будучыню", - рэзюмавала рэктар.-0-
Падпісвайцеся на нас у
