Мабільная версія
ДЗЯРЖОРГАНЫ

Апошнія навіны
Усе навіны

Стаў вядомы спіс намінантаў на "Залаты глобус" у 2019 годзе

Культура 07.12.2018 | 12:32
Фота viva.ua
Фота viva.ua

7 снежня, Мінск /Кар. БЕЛТА/. Намінантаў на 76-ю прэмію "Залаты глобус" аб'явілі 6 снежня на цырымоніі Асацыяцыі замежных журналістаў, акрэдытаваных пры Галівудзе. Такая інфармацыя размешчана на сайце Goldenglobes.com.

У намінацыі "Лепшы драматычны фільм" названы "Чорная пантэра", "Чорны кланавец", "Багемская рапсодыя", "Калі Біл-стрыт магла б загаварыць" і "Зорка нарадзілася".

За званне "Лепшы замежны фільм" паспаборнічаюць драма "Рома" мексіканскага рэжысёра Альфонса Куарона, лівана-амерыканскі фільм "Капернаум", бельгійска-нідэрландская драма "Дзяўчынка", нямецкая стужка "Работа без аўтарства" і японская карціна "Магазінныя зладзюжкі".

У катэгорыі "Лепшы рэжысёр" прэтэндэнтамі на ўзнагароду сталі Брэдлі Купер, Альфонса Куарон, Пітэр Фарэл, Спайк Лі, Адам Маккей.

Мультфільмы "Суперсямейка-2" рэжысёра Брэда Берда, "Востраў сабак" Уэса Андэрсана, "Ральф супраць інтэрнэту" Філа Джонстана і Рыча Мура, "Чалавек-павук: Цераз сусветы" Боба Персічэці, Пітэра Рэмзі і Родні Ротмана, "Мірай" Мамору Хасоды прэтэндуюць на званне "Лепшы анімацыйны фільм".

"Лепшым драматычным серыялам" можа стаць "Амерыканцы", "Целаахоўнік", "Забіваючы Еву", "Вяртанне дадому" або "Поза", а "Лепшым камедыйным серыялам" - "Бары", "Жартую", "Дзіўная місіс Мейзел", "У лепшым свеце" або "Метад Камінскі".

Акрамя таго, Асацыяцыя замежных журналістаў паведаміла аб заснаванні новай намінацыі ў прэміі "Залаты глобус" - "За заслугі ў галіне тэлебачання ". Гэту ўзнагароду будуць штогод атрымліваць найбольш яркія дзеячы тэлебачання. Першых намінантаў аб'явяць у бліжэйшыя дні.

Цырымонія ўручэння прэміі "Залаты глобус" адбудзецца ў Беверлі-Хілз (штат Каліфорнія) 6 студзеня ў атэлі Beverly Hilton у Лос-Анджэлесе.-0-

Версія для друку
Навіны рубрыкі Культура
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

ID-картка беларуса ID-картка - дакумент, які засведчвае асобу, для карыстання ўнутры краіны. Лічбавы аналаг пашпарта плануецца пачаць выдаваць у 2019 годзе.