ДЗЯРЖОРГАНЫДЗЯРЖОРГАНЫ
Флаг Чацвер, 23 верасня 2021
Мінск Пераменная воблачнасць +5°C
Усе навіны
Усе навіны
Культура
03 кастрычніка 2018, 17:43

Стаць удзельнікамі конкурсу на стварэнне сімвала Года малой радзімы могуць усе жадаючыя

Фота з архіва
Фота з архіва

3 кастрычніка, Мінск /Кар. БЕЛТА/. Прыняць удзел у рэспубліканскім творчым конкурсе на стварэнне сімвала Года малой радзімы могуць усе жадаючыя, незалежна ад месца пражывання, прафесійнага статусу і ўзросту. Аб гэтым карэспандэнту БЕЛТА паведамілі ва ўпраўленні культуры і народнай творчасці Міністэрства культуры Беларусі.

"Творчае спаборніцтва з'яўляецца адкрытым па складзе ўдзельнікаў, свае прапановы могуць прадставіць і фізічныя, і юрыдычныя асобы, і аўтарскія калектывы як Беларусі, так і іншых краін", - адзначылі ў ведамстве.

Матэрыялы на конкурс - а гэта каляровая карцінка ў электронным выглядзе і раздрукаваная на лісце фармату А3, а таксама тлумачальная запіска, якая раскрывае аўтарскую ідэю - трэба падаць па 15 кастрычніка па адрасе: г.Мінск, пр.Пераможцаў, 11, каб.304. У пакет дакументаў таксама ўключаецца заяўка на ўдзел у конкурсе.

Журы разгледзіць прапановы не пазней за 1 лістапада. Конкурсныя матэрыялы будуць падавацца пад лічбавымі кодамі. Крытэрыі іх ацэнкі: адпаведнасць умовам конкурсу, высокі прафесійны і мастацкі ўзровень, выкарыстанне арыгінальнага рашэння, стварэнне найбольш выразнага вобраза.

Пераможцу прысуджваецца прэмія ў памеры 50 базавых велічынь (1 БВ - Br24,5).

Палажэнне аб рэспубліканскім творчым конкурсе на стварэнне сімвала Года малой радзімы апублікавана на сайце Міністэрства культуры ў раздзеле "Конкурсы і мерапрыемствы".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі