7 чэрвеня, Мінск /Кар. БЕЛТА/. Пачаўся прыём заявак на фестываль харэаграфічнага мастацтва Dance Evolution. Аб гэтым БЕЛТА паведамілі ў канцэртным аддзеле Маладзёжнага тэатра эстрады.
"Мы рады паведаміць, што зноў стартаваў прыём заявак на фестываль харэаграфічнага мастацтва Dance Evolution, які адбудзецца 30 і 31 кастрычніка. Чакаем новых талентаў і запрашаем прыняць удзел у фестывалі", - расказалі арганізатары. Усю неабходную інфармацыю можна атрымаць па тэлефонах: 8 (017) 319-19-49, 8 (017) 358-45-66, 8 (029) 700-35-05, а таксама на сайце www.estrada.by.
Раней, у канцы мая, у Тэатры эстрады завяршыўся фестываль харэаграфічнага мастацтва Dance Evolution. Усе артысты атрымалі спецыяльныя дыпломы, кубкі, медалі і прызы ад партнёраў праекта, адным з якіх выступіў Беларускі дзяржаўны цырк. "У час экскурсіі ў Белдзяржцырк прызёры мелі магчымасць зазірнуць у закуліссе і ўбачыць тыя памяшканні, якія схаваны ад вачэй звычайных наведвальнікаў. Так, удзельнікі ўзорнага ансамбля танца "Цягнічок" (кіраўнік Вольга Шапавалава) даведаліся пра гісторыю ўстановы, убачылі вальеры з жывёламі, наведалі музей, дзе сабрана ўнікальная калекцыя экспанатаў з усёй Еўропы. Сярод іх - гістарычныя дакументы, фатаграфіі, афішы, сувеніры, падораныя мінскаму цырку гасцямі з розных краін, і мноства ўзнагарод. Акрамя таго, юнакі і дзяўчаты даведаліся, як пабудавана арэна, паназіралі за рэпетыцыямі артыстаў і трапілі ў святую святых кожнага цырка - за кулісы", - адзначылі ва ўстанове.
Тэатр эстрады прадоўжыць радаваць любімага гледача. "Кожны дзень чэрвеня напоўнены самымі яркімі і цікавымі праграмамі рэпертуару, а таксама цікавымі падзеямі. Запланаваны наведванні дзіцячых устаноў у рамках акцыі "Майстры мастацтва - дзецям", правядзенне фестываляў, выступленні на адкрытых пляцоўках Мінска", - дадалі ў канцэртным аддзеле тэатра.-0-
