3 мая, Мінск /Кар. БЕЛТА/. Сталі вядомы імёны пераможцаў конкурсу на лепшую выяву для сацыяльнай рэкламы "Наша культура". Аб гэтым БЕЛТА паведамілі ў Міністэрстве культуры.
"Прафесійнае журы разгледзела 217 работ і вызначыла пераможцаў конкурсу. Першае месца прысуджана Юліі Касцюкевіч за работу "Свой край", другое - Марыне Пяркоўскай за праект "Я люблю Беларусь", а трэцяе месца дасталася рабоце "Райскі сад" Вольгі Пілецкай", - адзначылі у міністэрстве.
Узнагароджанне пераможцаў адбудзецца 6 мая.
Арганізатарамі конкурсу з'яўляюцца Міністэрства культуры і дзяржаўная ўстанова адукацыі "Беларуская дзяржаўная акадэмія мастацтваў".-0-